老虎岩(第6座)潮式粉麵咖啡

Open Now

Now Closed

入開大埔，特登去試吓呢間手工燒賣。知道佢有芫荽燒賣同原味燒賣兩種，就兩款都買來試吓，仲每樣大手購入左八粒。芫荽燒賣 $14/4粒望落已經知道有好多芫荽，之但係咬落芫荽味又唔算做非常之濃郁，只係間唔中咬到芫荽嘅時候散發到出嚟嘅味道，比起想像中嘅芫荽燒賣好似爭咁少少。原味燒賣 $10/4粒呢款識落感覺好微妙，有啲似係豬肉燒賣，又有啲似鯪魚肉燒賣，最後嘅感覺總結來講，就係好多肥豬肉嘅鯪魚肉燒賣，唔算非常特別，燒賣皮有少少痴牙，肉質就彈牙，食到手打嘅感覺。不過價錢就真係略貴，店員態度又麻麻地，所以都未必會返轉頭啦～又一力推燒賣？