EXP

Open Now

Now Closed

我地一行4人睇戲前來到EXP食lunch , 門口超多人排隊，因為尼間餐廳唔接受訂枱，在門口等了半小時可以入座，餐廳都幾大間所以雖然多人排但又唔算等得耐。我地叫左燒帶子墨魚忌廉汁意粉，尼個係必叫，好好食，有3粒帶子，上面加左少少魚子，忌廉汁好味👍🏼👍🏼。仲有叫左蜆肉意粉，一開頭我唔記得先攪拌一下意粉，將sauce 攪均，所以有點咸，之後攪拌完味道好鮮，唔會好咸，掛住食唔記得影墨魚麵🙈仲有炸蝦餅，尼個味道都唔錯，不過得三塊，入面有栗米粒。另外叫左水牛城雞翼，味道ok，仲有叫左香草肉腸pizza有兩款腸，新鮮熱辣好好食😋我見附近枱好多都叫pizza , 果然pizza係得既，勁多芝士，又唔會漏，味道好正。 雖然餐牌選擇少，不過款款味道都好好，而且價錢平，叫了5碟才4百頭，每人百幾蚊，在九龍塘黎講算係平價之選。