新味館拉麵 (Closed)

少奶呢排真係好懶，懶得寫，所以呢篇食評其實係幾日之前食落攤到而家先寫。呢間拉麵館位置其實唔算方便，地鐵站出嚟都差唔多要行五分鐘（可能因為少奶行得慢啦＝ｗ＝），不過少奶好多時落坑口食飯都會嚟呢度，貪佢唔貴又夠大碗一定食得飽。唔算大嘅舖面，好似家庭式經營嘅感覺（雖然間唔中會漏單，尤其嘢飲），都算幾舒服。少幼每次嚟都鍾意叫手擀麵，因為有口感過拉麵，又唔似刀削麵咁厚，成舊粉咁對於少奶嚟講太heavy了。今次就叫咗酸辣湯手擀麵。湯底濃度啱啱好，又足料，如果嫌唔夠辣可以自己加辣，因為其實個酸辣湯唔多辣。不過雖然少奶好鍾意食辣，但總係覺得酸辣湯好似都係唔好太辣先食得到啲料嘅味，所以都係由得佢原汁原味就算。重有一點令少奶好鍾意叫呢個麵就係叫得呢個預咗會成碗湯飲哂，比起其他麵好似抵食啲咁囉哈哈。少奶友人就叫咗餃子刀削麵，湯底係清湯嚟。佢呢度個清湯都幾鮮味，不過少奶就冇問過用咩嚟煲。雖然今次冇叫到，但少奶想推介埋佢呢度有幾個叫麻辣ｘｘ拉麵嘅，都係清湯底，之後俾一碟用麻辣汁浸住嘅豬耳／肚絲／牛展，少奶每次都會成碟倒落個清湯度溝埋佢，勁惹味！另一個推介就係呢度嘅醉雞。醉雞亦都係少奶每次嚟呢度都會叫嘅小食。個汁