Video
Read full review
2019-01-03
102 views
尖沙咀亞士厘道有好多唔同嘅食肆，而且而家好多都係樓上舖，之前朋友食過推介一間"Amitie Kitchen"，有質素、性價比高嘅餐廳，所以前兩日就放工去食晚餐，我哋星期四晚去都比較多人，所以最好訂定位。餐廳有set dinner或者單點選擇，款式都幾多，有意粉、burger、扒類、甜品等等，梗有啱口味。食set dinner比較抵，有餐湯、沙律、主菜、飲品，仲可以優惠價享受甜品。首先冇諗過餐包係可以咁好食，有牛角包、軟包同餅乾條，佢哋嘅包又軟熟又好味， 新鮮溫暖加埋 果占 同埋牛油，非常好味。餐湯係蕃茄濃湯，濃沃嘅番茄味加埋忌廉，口感又滑又好飲，一人份量唔多唔少剛剛好。大蝦甜橙茴香沙律，份量絕對唔少非一般set dinner嘅沙律份量，兩隻大蝦爽口彈牙，加埋甜橙同新鮮嘅沙律菜，感覺清新健康。主菜係炸蠔二重奏意大利麵， 三大隻炸蠔外脆內軟，外面炸得非常香脆，而裏面仲保持juicy；第二重奏 係醬汁，用蠔打出醬汁濃郁好味 撈埋意粉口感非常好。另外單點咗煙肉大菇芝士牛漢堡 配炸薯條，煙肉非常厚，可以用火腿嚟形容，而牛漢堡又厚又juicy，再加上炸薯條粗幼適中，非常香脆，絕對高水準。最後跟餐仲
餐廳有set dinner或者單點選擇，款式都幾多，有意粉、burger、扒類、甜品等等，梗有啱口味。
食set dinner比較抵，有餐湯、沙律、主菜、飲品，仲可以優惠價享受甜品。
首先冇諗過餐包係可以咁好食，有牛角包、軟包同餅乾條，佢哋嘅包又軟熟又好味， 新鮮溫暖加埋 果占 同埋牛油，非常好味。
餐湯係蕃茄濃湯，濃沃嘅番茄味加埋忌廉，口感又滑又好飲，一人份量唔多唔少剛剛好。
大蝦甜橙茴香沙律，份量絕對唔少非一般set dinner嘅沙律份量，兩隻大蝦爽口彈牙，加埋甜橙同新鮮嘅沙律菜，感覺清新健康。
主菜係炸蠔二重奏意大利麵， 三大隻炸蠔外脆內軟，外面炸得非常香脆，而裏面仲保持juicy；第二重奏 係醬汁，用蠔打出醬汁濃郁好味 撈埋意粉口感非常好。
另外單點咗煙肉大菇芝士牛漢堡 配炸薯條，煙肉非常厚，可以用火腿嚟形容，而牛漢堡又厚又juicy，再加上炸薯條粗幼適中，非常香脆，絕對高水準。
最後跟餐仲加點左朱古力心太軟配雲呢拿雪糕，無論賣相同埋味道都一流，絕對推薦加點甜品。
呢間餐廳睇落平平無奇，但食物嘅質素比想像中好好多，性價比非常高。
Post
