Video
Read full review
2015-04-06
2228 views
係fb睇到一篇飲食雜誌報導，介紹全港最出色的炸雞腿，睇左openrice幾篇食評都好似唔差，即管放膽一試。位置唔難搵，只要由太和邨向大埔舊墟方向，過左林村橋就係，大大個黃色招牌好易搵。三多只開夜晚，如果夜D去光顧都要小心，因為周圍都幾靜，附近賣蔬菜的店舖已關門。店面不大，只有幾張枱，環境有點污糟，其實似有牌的街邊檔多D，等外賣的15分鐘，已見個老細打死約十隻烏蠅。外賣左2隻炸雞腿（其中一隻有加辣粉），炸雞全翼（因為那日無鼓油味），串燒牛肉同燒司華力腸。炸雞腿的皮似吉列炸豬排，但個粉比較幼細同薄，如果無加辣係無咩味的，但肉質尚算嫩滑唔會鞋，可惜一食就覺得好熱氣，感覺好似用左千年油，食完狂飲水，擔心喉嚨痛。熱底的友人食完第二日手臂陰濕位即刻生左粒暗瘡。至於那裡的串燒，真係唔值得推介，2款都好咸又唔野味，燒牛肉仲帶點紅，肉質有點粉，唔知係唔新鮮定落得太多鬆肉粉。😣試過一次就算，雜誌介紹的都不能盡信！老闆態度又唔係好，奇怪點解咁多單車友光顧？！😒
位置唔難搵，只要由太和邨向大埔舊墟方向，過左林村橋就係，大大個黃色招牌好易搵。三多只開夜晚，如果夜D去光顧都要小心，因為周圍都幾靜，附近賣蔬菜的店舖已關門。
店面不大，只有幾張枱，環境有點污糟，其實似有牌的街邊檔多D，等外賣的15分鐘，已見個老細打死約十隻烏蠅。
外賣左2隻炸雞腿（其中一隻有加辣粉），炸雞全翼（因為那日無鼓油味），串燒牛肉同燒司華力腸。
炸雞腿的皮似吉列炸豬排，但個粉比較幼細同薄，如果無加辣係無咩味的，但肉質尚算嫩滑唔會鞋，可惜一食就覺得好熱氣，感覺好似用左千年油，食完狂飲水，擔心喉嚨痛。熱底的友人食完第二日手臂陰濕位即刻生左粒暗瘡。
至於那裡的串燒，真係唔值得推介，2款都好咸又唔野味，燒牛肉仲帶點紅，肉質有點粉，唔知係唔新鮮定落得太多鬆肉粉。😣
試過一次就算，雜誌介紹的都不能盡信！老闆態度又唔係好，奇怪點解咁多單車友光顧？！😒
Post