日喜樓 (Closed)

一入“日喜樓”就發現佢哋嘅地方非常寬敞舒適，有高高嘅樓底，再配長長嘅沙化位，中間位置更有數張大圓枱，真係非常適合一家大細又或者三五好友相聚嘅好地方喔⋯⋯👍🏼👍🏼👍🏼《四喜烤麩、雞絲粉皮》烤麩吸收了傳統上海式甜甜嘅醬汁，配上筍片、木耳、毛豆，好醒胃呀！😋滑滑嘅粉皮、嫩嫩雞絲同脆脆青瓜絲，加埋濃香嘅芝蔴醬，又一醒胃之選！😋《日喜灌湯小籠包》小籠包皮薄肉汁極豐富又鮮味，無得頂呀！👍🏼《羅春閣爆汁生煎包》生煎包肉汁都係咁豐富同鮮味，要讚讚包底煎得非常香脆，食時真係要小心燙到嘴仔呀！👍🏼👍🏼《高湯鮮菌豆腐煲》高湯馥郁濃厚嘅鮮味完全浸入豆腐同鮮菌中，令人不禁一口又一口咁食唔停～👍🏼《黃金姜米鱈魚粒炒飯》炒飯粒粒分明又唔油膩，鱈魚粒切得幼細，每啖充滿魚香、米香，值得推介喔！👍🏼👍🏼《薺菜雞絲炒年糕》年糕味道雖是清淡，碎末嘅薺菜葉黐係每件年糕上，散發住淡淡清香，一口軟糯一口清香，白綠相間，暖心又暖胃，真是難得的美味呀⋯⋯👍🏼👍🏼