蝦魂

Open Now

Now Closed

宜家除咗雞白湯流行，蝦紅湯都多咗好多拉麵店做。今日嚟呢間蝦魂，新開一個月到，有齊雞白湯同蝦紅湯兩款之外，仲有醬油牛骨清湯同鯛魚牡蠣湯，唯獨係無坊間最多嘅豚骨拉麵。叫得蝦魂，主打一定係蝦拉麵，蝦紅湯拉麵湯底有濃濃嘅蝦味，仲有櫻花蝦，蝦頭膏增鮮，配料有紫菜、半隻味玉、木耳，同埋四隻去殼基圍蝦。成碗麵都係蝦味。想食辣可加$3蚊要個自家製辣蝦醬，連埋麵一齊食就夠曬惹味。另外叫咗客阿根廷紅蝦雞肉餃子，入面有一隻蝦同埋免治雞肉。襯返個蝦湯一齊食，愛蝦人仕必試。