Video
Read full review
2018-06-19
287 views
呢幾日係Instagram咁啱睇到原來尼間係長沙灣嘅柚屋即將係呢個月嘅20號結業。其實小編一直都好想試，不過一直推下推下就不了了之，但係見到佢哋話唔做就梗係點都要攝啲時間去試吓！柚屋係以柚子做主題嘅一間Café，相信都應該係全港第一間。柚屋由主菜到甜品都係柚子，爽！🍴柚子味噌胡椒雞扒拉麵拉麵湯底本身可以選擇要柚子醬油或者柚子味噌湯底，不過小編去到當日淨係得返一款柚子味噌湯底😔首先拉麵嘅湯底入口就比較重味噌味，柚子味就比較淡，而且湯底入口有少少微辣，感覺上好似落咗啲七味粉落去調味咁。依個拉麵本身就軟硬度適中，拉麵亦都非常掛湯。柚子胡椒烤雞扒方面，肉質非常嫩滑，而且入口亦都非常juicy，雞扒亦帶有淡淡嘅柚子味，的確係好surprise。🍴柚子檸檬伯爵迷你戚風臨別前席店舖就推出左呢一個限定嘅戚風蛋糕。戚風蛋糕大約有4吋左右，蛋糕可供1-2人食用。戚風蛋糕上面既裝飾雖然就唔算得上好特別，不過影相出嚟發現原來都幾靚下！戚風蛋糕入口口感鬆軟，帶有少少濕潤。蛋糕食落真係有好香嘅伯爵茶味，而且蛋糕裏面夾雜着好多伯爵茶茶葉碎喺裏面，而蛋糕上既伯爵茶味道就比較清幽。另外配埋蛋糕表面嘅柚子蜜一齊食，令到個
柚屋係以柚子做主題嘅一間Café，相信都應該係全港第一間。柚屋由主菜到甜品都係柚子，爽！
柚子味噌柚子胡椒雞扒拉麵
$90
16 views
0 likes
0 comments
🍴柚子味噌胡椒雞扒拉麵
拉麵湯底本身可以選擇要柚子醬油或者柚子味噌湯底，不過小編去到當日淨係得返一款柚子味噌湯底😔
首先拉麵嘅湯底入口就比較重味噌味，柚子味就比較淡，而且湯底入口有少少微辣，感覺上好似落咗啲七味粉落去調味咁。依個拉麵本身就軟硬度適中，拉麵亦都非常掛湯。柚子胡椒烤雞扒方面，肉質非常嫩滑，而且入口亦都非常juicy，雞扒亦帶有淡淡嘅柚子味，的確係好surprise。
柚子檸檬伯爵迷你戚風
$68
12 views
0 likes
0 comments
🍴柚子檸檬伯爵迷你戚風
臨別前席店舖就推出左呢一個限定嘅戚風蛋糕。戚風蛋糕大約有4吋左右，蛋糕可供1-2人食用。
戚風蛋糕上面既裝飾雖然就唔算得上好特別，不過影相出嚟發現原來都幾靚下！戚風蛋糕入口口感鬆軟，帶有少少濕潤。蛋糕食落真係有好香嘅伯爵茶味，而且蛋糕裏面夾雜着好多伯爵茶茶葉碎喺裏面，而蛋糕上既伯爵茶味道就比較清幽。另外配埋蛋糕表面嘅柚子蜜一齊食，令到個蛋糕整體好清新。雖然蛋糕嘅表面加左啲柚子蜜，但整體來講味道亦都唔會話太甜。而個檸檬味就真係爭咗少少，唔多食得出。不過整體來講蛋糕嘅味道確實唔錯，而且有好重嘅伯爵茶味亦係驚喜位之一。
柚子霜雪
$49
5 views
0 likes
0 comments
🍴柚子霜蜜
聽個名係咪R爆頭完全諗唔到係咩呢？其實呢杯係一杯柚子梳打加柚子雪糕製成嘅飲品。
柚子梳打本身嘅柚子味有啲淡，而且個梳打亦都唔係好夠氣，不過就勝在可以飲到有柚子味既清新得尼又唔會太甜。配埋個雪糕一齊暨可以令個柚子味更香，又可以令飲品既柚子味唔會減淡。不過雪糕既口感就更加似係雪葩，但估唔到雪糕裏面竟然會有一粒粒嘅柚子皮係到。
Post
