柏 (Closed)

一次過滿足晒15個願望，呢個特盛丼簡直不得了！入門穿過深藍色布簾，就被左邊嘅榻榻米式包廂吸引。卡位之間用簾相間，半開放式設計唔會太局促但又同時提高每枱嘅私隱度。而頭頂係同樣木系嘅小吊燈，光線柔和舒適，被安排到最近門口位置嘅包廂，背後有個小盆景，令人感覺恬靜。另外餐廳唔算大，但仍堅持玄關設計亦都值得加分！午市套餐「柏 · 特盛丼」包括15樣唔同嘅刺身同食材，單睇賣相咁靚仔都唔拾得破壞咁嚟嘅畫面，我J咗好耐先望夠開動；至於「串燒六點定食」就好啱食肉獸同低碳嘅朋友，啖啖肉！另外a la carte 仲有好多選擇例如Omakase、刺身壽司、鍋物、串燒等，選擇豐富。追加四款 #鮫鰈刺身薄切、#仙鳳趾蠔、#大根鮑魚同 #利久汁燒安格斯肉眼 都值得畀good。總括嚟講，其實要評價一間日本餐廳嘅，我一定會睇埋service同用餐環境，因為其實個認為日本菜只要係用靚料，食材新鮮又處理得宜，其實一定唔會爭太遠，反而餐飯賓至如歸與否，真心取決於整體餐廳體驗，而呢間餐廳我會畀80分。