麻辣串串香 (Closed)

得寶牛下新城開左, 上次入面啲食店試業果陣都去過, 今日再去應該正式營業今次又係比細佬拉去食野, 咁當然係試下未食過架啦, 於是揀左呢間今次純粹食小小, 所以兩個人剩係要一碗麻辣燙, 其他就下次再試打食評之前見到荃灣有間同名舖頭, 唔知係咪同一間, 不過呢間唔見有串燒, 得幾款小食(事實上隔離都有間唔錯嘅串燒)剔左幾款餸, 等左一陣就有得食啦麻辣燙(米線+金菇、豬皮、魚皮餃、牛腩, 中辣) ($35)食果陣冇為意細佬揀左中辣(都係果句我麻麻食得辣), 但係食落又唔係辣到頂唔順, 係條脷有小小痹(仲要前幾日除夕先打邊上爐跟麻辣湯底), 果種感覺唔錯至於米線同餸都及格, 牛腩同豬皮小小淋唔太硬, 整體都唔算太差, 只係比份量一定唔夠譚仔同金姆指鬥, 不過食到悶都可以黎食下