Video
Read full review
2024-06-09
910 views
如果我喺紅磡/ 土瓜灣附近一帶返工，可能我一個禮拜都會買幾次呢間bagel嚟食😋喜愛食麵包嘅我，一向都好挑剔，食過呢間真係返唔到轉頭，九龍嘅麵包舖好少可咁高質，碩果僅存，要好好珍惜～因為佢係即叫即整，嗰日得一個人打理鋪面，所以等嘅時間都比較長，如果平日嚟買外賣，真係要打電話落order先，唔係返工實遲到😂呢間麵包舖款式多籮籮，首先你可以揀唔同口味、不同軟硬度嘅包，然後再配以唔同嘅餡料、醬汁、要咩芝士等等，鹹包或甜包都有得你揀，連咖啡都有唔同款式可以選擇，啱晒我呢啲麻煩人食，餐廳店主認真細心😆我哋第一次食，所以先試佢嘅酸種原味Bagel，同埋自選嘅牛油果煙三文魚配忌廉芝士；另一款就揀店主介紹，最多人揀嘅秘製牛肉bagel，以酸種洋蔥Bagel做底，一款清淡，一款帶鹹。坦白講前者雖然味道上冇大驚喜，但用料好足，原味bagel好煙靭，咬落去牙骹一啲都唔攰，淡淡地有忌廉芝士香，食落去好清新，不錯不錯👍🏻後者秘製牛肉，就以牛肉絲作為基底，食到啖啖肉，配上洋蔥味bagel其實幾夾，牛肉嘅鹹香以清新爽口青瓜平衡返，食落唔會過分肥膩。叫咗兩杯齋啡點綴一下，為我哋嘅Good Morning打開序幕☀️餐廳
因為佢係即叫即整，嗰日得一個人打理鋪面，所以等嘅時間都比較長，如果平日嚟買外賣，真係要打電話落order先，唔係返工實遲到😂
呢間麵包舖款式多籮籮，首先你可以揀唔同口味、不同軟硬度嘅包，然後再配以唔同嘅餡料、醬汁、要咩芝士等等，鹹包或甜包都有得你揀，連咖啡都有唔同款式可以選擇，啱晒我呢啲麻煩人食，餐廳店主認真細心😆
我哋第一次食，所以先試佢嘅酸種原味Bagel，同埋自選嘅牛油果煙三文魚配忌廉芝士；另一款就揀店主介紹，最多人揀嘅秘製牛肉bagel，以酸種洋蔥Bagel做底，一款清淡，一款帶鹹。
坦白講前者雖然味道上冇大驚喜，但用料好足，原味bagel好煙靭，咬落去牙骹一啲都唔攰，淡淡地有忌廉芝士香，食落去好清新，不錯不錯👍🏻後者秘製牛肉，就以牛肉絲作為基底，食到啖啖肉，配上洋蔥味bagel其實幾夾，牛肉嘅鹹香以清新爽口青瓜平衡返，食落唔會過分肥膩。
叫咗兩杯齋啡點綴一下，為我哋嘅Good Morning打開序幕☀️餐廳提供唔少咖啡同茶款，有機會一定會再嚟😋最後我哋仲外賣多個BLT配酸種藍莓包俾屋企人食，佢食咗都話一試難忘💎
喺工廠區嚟講bagel呢樣嘢，應該對區內人幾新奇，價錢比起茶餐廳或大集團又偏貴，成$60-$70一個包，返工人士真係未必會買得起，再者口味又唔啱附近居住嘅老年人，附近交通配套又唔發達，真係想像唔到呢間小店係點樣生存🫣可能係單靠放假嘅人特登入去食，希望佢可以繼續維持到落去越做越大，為我哋提供更加多高質素麵包選擇😬
自選嘅牛油果煙三文魚配忌廉芝士 + 秘製牛肉bagel
168 views
1 likes
0 comments
Post
