奏海鮮火鍋 (Closed)

講起打邊爐，我唔鍾意食任食火鍋，因為食物種類雖然選擇好多，但係質素往往十分之差，食之無味，棄之惋惜。今次又比我搵到好嘅火鍋推介，今次就嚟到尖沙咀。-呢度嘅火鍋湯底選擇非常之多，有成十幾款，例如係上品海鮮鍋、清湯牛腩鍋、雜菌花甲鮮雞鍋等等，而今次我就試吓佢嘅番茄薯仔鹹豬骨湯鍋。-湯底一上到黎已經十分吸引，因為賣相同埋香味都非常之好。用咗大量新鮮蕃茄、薯仔仲有好多鹹豬骨烹調而成，淺嘗湯頭一啖，茄味極之濃郁，鹹豬骨令湯頭鮮味十足，令人胃口大開。我覺得打邊爐火鍋配料固然重要，但係如果湯底做得出色，簡直係令成餐錦上添花。-本地手切肥牛，淨係睇賣相都知道脂肪分布十分平均，同急凍牛完全冇得比。牛味十分濃厚，肉質鮮嫩有彈性，都算幾有驚喜喎！-另外我亦都好推介佢嘅響鈴，呢度嘅響鈴係即叫即炸，所以同平時嘅比較起來真係好食好多，食落會仲保留着好香脆嘅感覺，吸埋湯頭嘅精華，誠意推介。-另外仲有好多配料都做得唔錯，例如係即叫即包嘅牛肉燒賣、黑松露帶子餃子、即炸魚片頭等等，整體用料新鮮，水準好高，而且價錢唔貴，性價比幾高嫁。