奏海鮮火鍋 (Closed)

已經第三次黎，每次都是為了那超有牛味又新鮮既本地手切牛、牛白玉及即炸響鈴而再encore……平時怕食油淋淋響鈴生筋既我呢個響鈴係脆身，唔會勁油的，真係好功夫好技巧，趟一下滾水即食激讚牛白玉真係好少食得到，好爽口，唔似牛，好特別而今次第一次試佢個超級澎湃既海鮮軍艦真係好誇張，全部都係新鮮海鮮食材仲有好好服務，幫你睇住，蒸既時間剛剛好，所有食材都係好彈牙新鮮有蟹腳、有聖子、有鮑魚、有青口、有扇貝、有大蝦仲有蜆仔，些少蔬菜粟米等等等等仲跟埋一盤刺身添.....

我們一行十人訂咗包房打邊爐 先講下位置非常方便,地鐵到,巴士到, 寶勒巷1樓 員工服務很好很有禮貌,招呼周到 ,安排了一間大房給我們尚未齊人,同朋友出外看看, 看到餐廰裏有海鮮,非常新鮮我們再看看餐牌,準備點餐,非常多選擇 尤其是海鮮 我們叫了一大鍋海鮮鍋 12人頭上海鮮鍋超正另外叫了 一啲特色點心非常美味, 尤其是油炸鬼,炸豆腐 整晚都有員工來收 碟, 夾垃圾 招呼殷勤 .我們也食得很開心 至於食物方面很新鮮 , 全部口感都好好味, 蝦,蟹,牛,青口, 豬,牛是最好味的.還有一個刺身 ,非常美味房間設有電視可以睇波,飲酒. 整體來說 很滿意, 有下次

超誇張超抵食的海鮮火鍋，個海鮮軍艦要用2個電磁爐嚟服侍，賣相大堆頭擺盤靚，$268包加一，包醬料，包餐前小食，地方闊落坐得舒服，枱同枱中間距離都隔得幾遠下，唔會有擠逼嘅感覺本人覺得抵過2舊水任食火鍋食垃圾，任食嗰啲睇落好似好抵，但都係食啲cheap丸同平價配料，呢度明碼實價$268，有龍蝦/扇貝/大蝦/青口/墨魚/東風螺/象拔蚌/鮑魚，底層仲有粟米/蘿蔔/娃娃菜/秀珍菇，配料我仲揀咗安格斯肥牛/和牛粒/䈑筍/白菜餃/白魚蛋/稻庭烏冬，仲要送頭盤刺身添!!!部長佰佰仲要超nice走嚟吹水服務100分

之前見佢宵夜時段六折，咪約埋三五知己去試下...無期望點知有驚喜，賣相唔算靚，但勝在海鮮鍋好新鮮，好少可宵夜打曬折都仲咁鮮甜。至於送的那份刺身呢，去壽司店食會好d咁囉

最近留意見到網上好多推薦海鮮軍艦咁啱成班人約食飯就決定黎試下海鮮軍艦軍艦包括鮑魚、扇貝、海蝦、蟶子、青口、龍蝦、花蟹等等多款海鮮；份量夠多賣相夠哂華麗吸引完全證明圖片唔係只供參考；湯底分開兩邊可以選擇唔同湯底辣同唔辣都滿足到；海鮮都算新鮮其中花蟹同埋海蝦黎到仲係生猛；海鮮肉質包滿彈牙味道鮮甜入味好正肥牛食完海鮮之後仲有肥牛；湯底充滿海鮮精華味道鮮甜配上牛肉好夾；兩款牛肉雪花紋理分明油脂分佈均勻食落甘香但係唔膩

朋友推介，當然一試。一行三人，被安排至四人卡位，空間放大舒適。叫了一個四人份量的鮮斬後奏的海鮮餐，原本每位$298(不用加一)，但我們只有三個人，所以最後每位$398。這個餐送刺身拼盤，想不到火鍋店的刺身也不錯，我推介甜蝦，肥美鮮甜。到了主菜海鮮餐，一上個鍋已經令人興奮，因為佈滿了約10種海鮮(小龍蝦、鮑魚、蟶子、扇貝、大蜆等)，而且仲識郁，非常新鮮生猛！俾你過目完後，侍應先倒上湯，然後蒸十數分鐘就食得。除咗海鮮，仲有五款火鍋配料揀。味道不錯，份量略嫌不太多，我們三個女仔只是剛剛飽。另外這個餐限時兩個半鐘，不過無人等都會比你繼續坐。總括而言，食物新鮮，份量略嫌少。服務態度很好，座位舒服，價錢則見人見智

和舊老闆食飯不能亂吃一通，所以舊同事選了這間火鍋館，一間房的最低消費只需＄３０００，１２人圍著一張大圓枱，坐得很舒服。餐廳供應的海鮮鍋是按人頭計算，已包了另外５款火鍋料，我們再加一個牛魔皇併盤已飽到不行～海鮮鍋一來已吸引全場人的目光，它是一個超闊身，長型的「太極鍋」，左邊是胡椒豬肚湯底，右邊是蕃茄薯仔湯底，湯料在底，上面盡是林林總總的海鮮，有此還在跳動中，排場叫人驚歎！海鮮有六大款，包括波士頓龍蝦、中海蝦、本地鮑魚、聖子皇、大帶子、卜卜蜆，其中龍蝦及聖子皇超級鮮甜，不容錯過牛魔皇併盤內我最愛的不是油脂度十足的牛胸爽而是肥瘦適中的牛頸脊，灼至８成熟已足夠。最後來一碗稻庭烏冬已很飽足！

打邊爐來來去去都係嗰三兩間，今次就特登襯住凍凍地去搵新野。上網見到呢間咁多Like但都無Dislike, 就白撞上去試一次，結果都無失望。首先佢既Service好好，本身無晒位，我就住坐無電爐，得Gas爐既台，咁就好似好耐都唔滾咁，坐左一陣有張6人台埋單走人，佢自己都即刻話轉我2個人過去，話個電爐會快D滾，呢度都即刻俾左個好印象我。到講下野食：蟲草花醬螺雞湯底：足料、夠味。唔會好似其他火鍋店咁，料就多到霸晒成個煲但都唔夠味。而且蟲草花+螺+雞又的確係清甜~!牛肉：本來想食黃牛，但佢話今日D黃牛唔靚所以無入貨，就叫左本地手切牛同金錢𦟌。本地手切牛好味，夠多脂肪得來又唔會太肥，未算最好但出街食黎講，佢都唔算收貴你，叫值回票價。其他同水準既牛出面可能一碟3百幾了。金錢𦟌：金錢𦟌就的確值5星，因為其實金錢𦟌都有分靚野同普通野。晌街市買既靚金錢𦟌一條賣約$500 (靚𦟌係一條條賣的，唔係計磅)，食落係爽脆既，仲要手快有手慢無，每日來貨唔多；普通既金錢𦟌就$150-$170左右一磅 (普通𦟌係一磅磅計的，唔係計條)，食落同咬緊牛肉無分別。佢呢隻算係幾靚既金錢𦟌，其他食店都好少有呢個質素。(如果真係

是夜中秋節，粵菜館例必人山人海。不想逼，不想等位，相信火鍋是個另類選擇。之前老友生日已來過一次，無論食物和服務都滿意，所以再來。 約七點到，意料之中不是太多人，環境較舒服，服務仍很貼心。點了蕃茄薯仔鹹豬骨湯底、牛肉、貢丸和魚餃等都是少不了，只是沒叫海鮮類。因為小朋友不大喜愛。湯底很有蕃茄味，豬骨夠入味，其他食物都新鮮。 其中小食點了炸魚皮和響鈴，皆是自家制，不可錯過。好想下次有機會試海鮮！因為見到有好多種類選擇⋯⋯ 最後結賬$1200多，價錢合理。

放工後與一眾「食家」朋友相聚打邊爐，事前想預約多家火鍋店，發現要不入座時間不合適，要不就用餐時間短，最後有人推薦了這家，地點方便、食物選擇還不少，直接「去馬」，還訂了其海鮮軍艦。我們有部分人早到了，店員卻說因有限時，未齊人不能入座，大家唯有在門外呆等。之後店員見我們等得不耐煩，才讓我們入內就座。甫坐下不久，店員向我們解釋一下海鮮軍艦套餐包括：刺身拼盤、火鍋配料5款，份量依人數由店家分配，以及2款湯底，全包括在$298的收費內。刺身拼盤是日精選刺身有甜蝦、北寄貝、魷魚及三文魚，份量只每人每款一件。在火鍋店吃刺身，期望不會定得太高，不要未解凍、不要有雪味，基本上我還可以接受。今次比較達標的有三文魚和魷魚，前者尙算肥美，後者亦新鮮爽口。海鮮軍艦等了差不多約大半個小時，加上我們稍加催促，海鮮軍艦終於上桌了。軍艦的份量的確沒有欺場，大得令在場各位譁然，所以還是值得等待的。軍艦分兩邊湯底，我們選了辣湯及胡椒湯，加上各種海鮮的精華，的確鮮美。先數一數材料 ：聖子、帶子、鮑魚、青口、蜆、活蝦、龍蝦及其肉鉗，足夠我們八人吃有餘。店員會先放上鐵蓋煮其十數分鐘，之後便可大快朵頤了。我們都認為海鮮皆頗新鮮，絕

今日生日朋友訂台食飯，之前一直都有聽人講過呢間打邊爐幾好食想試，入門口見到地方闊落舒服，裝修都感覺比起較高級，一坐低已有9格配料係面對俾你揀，個炸蒜油好香👍🏻服務員招呼亦很有禮貌招呼周到🙈，我們一共點了十多樣，這個剌身拼盤很值得推介，除左賣相精美外亦非常新鮮本地手切牛 ～ 吃落很有口感牛味十足新鮮即炸響玲 廣島蠔大大隻，味道不錯另外仲有碟避風塘炸魚皮，黎到真係一定要試！超級推介！因為太好食我不停食唔記得左影相🤣🤣🤣

今日同朋友慶祝生日第一次黎，不得不讚打邊爐黎講環境好靚，十分舒適，💁🏻員工服務態度也很好，🥘湯底十分多選擇，火鍋配料很新鮮，🐂牛肉有多款可供選擇，仲有新鮮魚生，🦀海鮮都係新鮮即整💰價錢同其他火鍋店價錢差不多，十分合理，去過好多間打邊爐，呢間絕對值得再黎。🙌🏻上菜唔同平時既餐廳上得好急，慶祝傾計可以慢慢食，唔駛急急腳食完就趕住走，大讚👍🏻個餃子同炸魚皮新鮮好好食，必食推介😍😍

以前常來萬事昌廣場吃泰國菜，可惜今次來到已經結業了。試試這間新開的餐廳，主打火鍋！環境不錯，座坐也闊落。店員先拿來調味醬，有9種配料可選。湯底點了清潤椰子雞鍋 ，一上桌就聞到很香的椰子味。雞肉很滑，沾上椰子的鮮甜，味道不錯。鬼馬蝦滑這款不用煮，是即食的。炸得很脆，蝦滑很彈牙。手切黃牛紋理分別，油脂分怖佳。肉味濃郁，較油脂味重。魚卜不是常見的火鍋材料，這裡也有！質感爽口，膠感十足。每位送生果和雪米糍，為完美的一餐作結。

今日Happy Friday約了班friends到尖沙咀飲酒, 飲酒前同個老友醫吓肚先。四周圍行下食D乜好,行到萬事達廣場樓下看到<奏>火鍋廣告,賣相非常吸引仲有優惠。反正末曾試過就同個老友上去幫襯吓, 我們點了蟲草花燉嚮螺雞湯窩,真是有點驚喜用料十足,湯底非常入味。另外特別推介手切牛超好味非常嫩滑爽口證明用料新鮮。黑松露帶子餃好香黑松露味道...正冰鎮瀨尿蝦超好食爽口,賣相100分正體食物都非常滿意值得推介, 一定有下次會再來幫襯。

We always go to different place to have lunch, no specific, sometimes chinese sometimes western. We had Chinese food here..All the set lunch included Chinese soup. It was coconut chicken soup that day, the smell was very good. .Also vegetables free of charge. It was fresh and green..The tomato sauce pork chop was tasty.