Bib n Hops (Closed)

好耐都無出去食過午餐了， 睇MENU已經可以揀三款想食，想食湯類, 又想食熱石鍋類，不過己經知道大約咩味道，最後好彩佢今次個石鍋類無牛肉 (好似每幾個月轉一次), 所以我就揀咗牛肋拌飯，咁我就無叫湯，本身湯係南瓜，我就揀咗紅菜頭沙律，唻到個沙律幾靚仔，心諗好在無飲湯，本來估到紅菜頭大約咩味但一食落去E咁泡菜嘅，咁估到佢似係用泡菜方法去醃，而且有嫩口嘅羽衣甘藍，黃椒等而個以為係千島醬居然係有點介辣味，感覺都幾出奇，但係係好食嘅。同事叫咗口水雞石鍋飯，我試咗粒口水雞味道甜甜地，哈哈麻麻地，Burger 個賣相都好好，薯條好脆又唔會硬身，咁我嘅牛肋飯送上唻賣相比我想像好唔同，心諗正呀有新嘗試嘅感覺。一口試咗啖飯，入口非常豐富有豆、韓國紫菜、流心蛋、羽衣甘藍……飯嘅汁係酸酸地好開胃，初頭都諗住會唔會唔飽，原來係非常飽o架，個牛肋都整得好Juicy又唔會有肥膩感，呢個飯係好有誠意又好食推薦!!!餐可以揀飲品或甜品，我要咗甜品Tiramisu，呢個就麻麻地好食都幾甜又無咩Tiramisu應有嘅味。