牛摩 (Closed)

因爲維園無得游水，所以跟咗男友返將軍澳，係商場見到尼間牛摩，以為係新開，但男友話已經開咗好耐。🤷🏻‍♀️其實前排先同朋友係荃灣食過，但見到門口有推廣優惠，所以我哋決定咗今晚晚餐係尼度解決。尼個晚市90分鐘推廣價，上面寫只限荃灣同將軍澳分店。同上次一樣都係係門口決定套餐同湯底。我哋仲以為一人一鍋可以揀兩個湯底，但原來尼度係一個鍋，所以我哋只揀咗豬骨湯（上次係荃灣食過覺得唔錯）。店員提醒尼款牛會比較肥，而睇相都見到脂肪比例較多。不過我個人對牛無咩講究，所以都無咩所謂。而尼個套餐就只有牛，無雞同豬。但對我哋來講都算足夠，因為可以食多啲配菜。尼度嘅配菜同調味料同荃灣個間差不多，不過尼度嘅擺放睇落整潔啲。而我視為火鍋重點嘅粟米都夠甜、好味！而牛肉其實同一般打邊爐嘅肥牛差不多，味道數錯。個人覺得個啲肥可以接受，不過就係到最後湯面會有好厚嘅油，煮蔬菜食係好有油氣。🤣🤣飲品方面選擇都大同小異，不過就無上次飲個隻熱柚子茶，所以改飲蘋果綠茶。男女試咗綠色個隻奇異果冰沙，感覺無咩奇異果味。🤦🏻‍♀️🤦🏻‍♂️尼度仲有壽司食，印象中上次個間好似無。🤔每款拎咗一件來試。唔知係咪雪得太耐，啲飯有啲硬，無咗壽司飯嘅口感。