老爺點心 (Closed)

因為賣相十分吸引的點心而來，估唔到樣樣都十分的好味。呢個老爺頭獎包好鬆軟帶甜，反轉佢之後用黎裝D餡料，有炒香既雞肉碎同菜莆，味道香口，好玩又好食。呢個啫啫雞煲，同想像中有分別。裡面仲有冬菇同豬肝，同出邊食唔一樣，D雞做得好滑同好惹味，送飯一流。黑椒和牛酥造型十分搶眼, 一上台我們馬上瘋狂影相。好精緻!成個頭都食得，酥皮做得好乾好脆，有粒粒和牛餡汁，令我馬上諗起叉燒酥。有少少黑椒配上和牛的肉香。好正!呢度當晚人好少, 得三台食客，以星期六晚黎講，人流唔算多。如果唔想排隊,可以黎呢度。