蛇王二 (Closed)

秋風起，三蛇肥。是晚七點幾來到銅鑼灣蛇王二老店，依然多人，好在咁啱有位唔洗等識食而家梗係食「蛇羹套餐」，有蛇羹、糯米飯同蠔油菜，今次加咗少少錢要埋老火燉湯。主角蛇羹，足料，好香藥材味，仲有好多蛇肉～食完成身大汗！糯米飯係配角，味道比較清（或者唔想味道搶主角吧），料唔算好多，不過飯都幾煙煙韌韌，也不錯足料嘅老火靚湯，清清哋好滿足～銅鑼灣，百一蚊，真材實料食到飽，呢間老店存在咗咁多年仍然有咁多客支持，一定有佢嘅原因嘅！