博多拉麵別天神 (Closed)

突然好想食拉麵，到銅鑼灣博多拉麵別天神門口， 竟然大排長龍，本身都唔想排隊， 但又諗唔到食乜好， 到最後排咗差不多半個鐘才入去食。 我本身都是博多拉麵的熟客仔， 因為這裏款式不多， 所以每次都是點兩個套餐別天神套餐$105 ( 豬骨湯麵+ 餃子四隻)，蝦味噌套餐$115 ( 蝦味噌豬骨湯麵+ 小龍蝦蟹子沙律)。 日式煎餃子～ 一碟有四隻， 一邊煎至金黃色， 餃子餡料肉汁豐富。小龍蝦蟹籽沙律～ 蟹籽沙律入面有豐富的小龍蝦肉， 配紫菜一起吃， yummy。 別天神套餐 (豬骨湯麵) 🍜～ 豬骨湯味白滑香濃，飲得出冇用味精， 因為食完唔口渴， 拉麵質地幼細而煙韌， 叉燒大塊厚度適中， 配菜有流心🥚，木耳，蔥粒和紫菜，整碗拉麵食材豐富，味道出色。蝦味噌套餐( 蝦味噌豬骨湯麵）🍜～ 蝦味噌豬骨湯鮮甜濃郁，蝦和豬骨的味道非常配合， 令整碗湯底添加多層次感， 配菜有大量櫻花蝦，粟米粒和蔥粒， 可以用色香味俱全來形容。我發覺博多拉麵別天神都有好多分店， 因為我都食過好幾間， 味道係唔錯的！