稻香超級漁港 (Closed)

自從返左學之後，無乜機會飲到茶。呢日有時間，當然唔會放過去飲茶既機會啦。呢間都去過幾次，價錢又唔算太貴。坐得又舒服，所以又再黎啦。叉燒瀨粉佢起初係黎個飯，之後先黎返個瀨粉。個叉燒都幾好味，又唔會太鹹。瀨粉都可以既，唔會太韌又唔會太淋，過得去既。奶皇包次次都會食既，奶皇甜甜地，真係好正。菠菜豬肉餃呢個菜就幾多，肉就唔多舊。好彩既係係，個餃既皮唔算太厚，唔係就唔好食啦。炸茄子呢個似食炸粉多，唔係唔好食既。個茄子其實幾好食架，個個粉太厚，食左幾啖先食到茄子。炸春卷呢個都幾好味，有蝦同有菜。無乜特別。淨腸粉雖然無乜料，不過淨腸粉既好處係比其他腸粉滑好食。呢餐都幾抵食，四個人都係三十幾蚊一位。