初鮨 (Closed)

夜市開返，第一時間去食飯。聽聞旺角初鮨有Omakase食，所以就去左。先食前菜三味，係每樣一啖既開胃小食，都幾清新。刺身三款有北海道活帶子、愛女魚同多春魚。幾鐘意佢地既刺身，好夠鮮。重頭戲大拖羅刺身就用紫菜包住，唔好睇佢咁多wasabi，唔會好辣㗎。即開大大隻赤崎真蠔，上面鋪左青檸啫喱同紫蘇花，豐富左呢道菜既味道。口感幾creamy。壽司有6件，包括間八，深海池魚，赤伊佐木，金目鯛，中拖羅同銀鱈魚。件件各有特色，當中以金目鯛既味道，同銀鱈魚既油脂最令人難忘。食到咁豐富，仲有松葉蟹茶碗蒸，味噌湯，同沖繩黑糖雪糕，份量相當足。下次再帶班朋友再黎食過先。