蛇王兄 (Moved) New Location

每到天氣凍既時候，總係想食碗蛇羹暖下身，起上水就一定會嚟依度到食蛇，嚟到先發展原來搬左去隔離街，新舖比舊舖面積更大更好坐，不過望一望個餐牌發現價錢又貴左，真係百物騰貴。坐底叫左個雞飯餐同細蛇羹，咁就要百幾蚊，真係唔平。蛇羹一上到枱就知道對辦，好足料真係啖啖蛇絲，雞絲同木耳絲，加埋檸檬葉和薄脆，食完非常暖身，很好吃。雞飯套餐包個龜苓湯，湯入口熱辣辣，味道濃郁，有少許藥材味幾香幾好飲。到碗蛇汁雞飯送上枱時，一陣香味撲鼻，入口雞肉夠滑配合埋蛇汁既惹味，加上自家制既薑蓉，真係一陣就食晒碗飯。