今福上海美食坊 (Closed)

公司好多野做要OT，去左對面買野食，買有條粢飯，記得上次買時十六蚊條，都係兩個禮拜前啫，今晚個老闆收左十八蚊，咁快就加兩蚊？比例都幾高喎……一條粢飯十八蚊，真心覺得貴。SIZE正常唔係特別大條，都實心嘅，都係飽肚嘅，飯黏稠，內包著半條油炸鬼，少許豬肉鬆，仲有少少炸菜粒，正正常常味道，不見得特別出色。因為係晚上，條粢飯即叫即包仲熱辣辣，叫其他餃子，蔥油餅等都係叫先煎，全部都夠熱，味道亦不差，只是有點貴，晚上附近無咩食都KEEP住黎呢度買。