同德素食

Open Now

Now Closed

同屋企人食飯，因為媽咪本身食素，所以就搵咗間睇落幾好食既素食店去食。上到去，間餐廳唔算大，目測應該有30個位左右，不過環境同裝修都感覺好舒服。我媽本身都唔太會中意出去食素，因為佢覺得出面啲素食唔太好食(佢覺得自己煮仲好食🤣🤣)。不過試咗之後佢都話呢間好好食。佢地啲壽司整得好靚，又好食。媽咪好欣賞個芒果牛油果苜蓿芽手卷，如果唔係叫咗好多野食的話會再叫多個。個香椿魚翅蛋白炒飯有好香既香椿味，真係有一條條既"魚翅"，我地大家都好想知啲"魚翅"用咩做。因為我同媽咪都好中意食猴頭菇，所以就叫咗個用猴頭菇做嘅士多啤梨骨，好好食，不過士多啤梨骨係有火龍果無士多啤梨好好笑🤣🤣最後 我哋叫咗個薑汁菊花豆腐花食，手工真係好好，個豆腐花整到好似一朵花一樣咁靚，雖然食個時唔太方便，不過係好食既，唔太甜，如果薑味再重小小就好啦。