霞飛會館 (Moved) New Location

兩個叉子燒餅，個餅好硬，相信係隔夜貨，投訴之後佢換返一個俾我。相信可能啲麵粉擺得太耐，而且焗燶咗。榨菜肉末又咸又油。韮黃魚絲，又係油冧冧。擔擔面，咸到冇朋友，啲面亦都好冧。唔知係咪材料唔新鮮所以要整鹹啲。中午時間人流好少，明白生意難做，但係咁嘅出品六百幾蚊真係幫你唔到。唯一要讚嘅係服務員姐姐態度好好，好有耐性。環境唔錯，不過麻煩清潔下女厠，咁嘅餐廳保持洗手間清潔係最基本要求。幫襯左咁多次，終於都係要決定放棄。