Video
Read full review
2019-04-06
267 views
好耐無坐定定用心寫食評，不過呢間餐廳值得發覺赫德道都幾多好嘢食，成條酒吧餐廳街。呢度有兩層，下面主要飲嘢，樓上環境寬敞，氣氛relax，平日星期三都坐無虛席，可想而知呢度幾受歡迎。我第一次嚟，鍾意呢度坐得舒服，啲嘢好食得嚟仲好多都係佢地homemade，而且仲有live band，加上全部local waiter溝通得好D。呢個小食拼盤就係我喺open rice見到之後決定嚟既原因，賣相精緻之餘，款款新鮮好味黑毛豬火腿蜜瓜（左下）：蜜瓜鮮甜，配火腿一流，唔會太咸又唔會太甜煙三文魚三文魚籽伴青瓜（左上）：我鍾意伴青瓜，夾埋三文魚中和到啱啱好龍蝦尾伴香芒莎莎（右中）：兩條龍蝦尾又厚肉又新鮮，又香又彈牙，配芒果粒又甜又清新，好開胃辣椒㰖油煎虎蝦（中上）：又係新鮮啖啖肉，雖然用㰖油，但一啲都唔夠肥膩，仲有少少辣吊吊癮，好正八爪魚伴韓式泡菜（右上）：八爪魚都好新鮮，無出面啲煮得咁韌，爽口，配埋泡菜好好食，開胃牛油焗田螺芝士薯蓉（中下）：呢就就平常一般，無乜特別西班牙五花腩伴芥末醬青蘋果（右下）：呢個我同朋友都只係試咗一片就無食了，又鞋又乾，係呢道菜中比較失望既炸雞槌（左中）：反而呢個我地好有驚喜
發覺赫德道都幾多好嘢食，成條酒吧餐廳街。呢度有兩層，下面主要飲嘢，樓上環境寬敞，氣氛relax，平日星期三都坐無虛席，可想而知呢度幾受歡迎。我第一次嚟，鍾意呢度坐得舒服，啲嘢好食得嚟仲好多都係佢地homemade，而且仲有live band，加上全部local waiter溝通得好D。
小食拼盤
$348
25 views
0 likes
0 comments
黑毛豬火腿蜜瓜（左下）：蜜瓜鮮甜，配火腿一流，唔會太咸又唔會太甜
煙三文魚三文魚籽伴青瓜（左上）：我鍾意伴青瓜，夾埋三文魚中和到啱啱好
龍蝦尾伴香芒莎莎（右中）：兩條龍蝦尾又厚肉又新鮮，又香又彈牙，配芒果粒又甜又清新，好開胃
辣椒㰖油煎虎蝦（中上）：又係新鮮啖啖肉，雖然用㰖油，但一啲都唔夠肥膩，仲有少少辣吊吊癮，好正
八爪魚伴韓式泡菜（右上）：八爪魚都好新鮮，無出面啲煮得咁韌，爽口，配埋泡菜好好食，開胃
牛油焗田螺芝士薯蓉（中下）：呢就就平常一般，無乜特別
西班牙五花腩伴芥末醬青蘋果（右下）：呢個我同朋友都只係試咗一片就無食了，又鞋又乾，係呢道菜中比較失望既
炸雞槌（左中）：反而呢個我地好有驚喜，好好食，炸得嚟乾身唔油，但入面又有juicy肉汁
西班牙黑毛豬肋骨（半份）
$128
47 views
0 likes
0 comments
黑松露醬烤爐魚魚柳手工貝殻粉
$178
10 views
0 likes
0 comments
成碟上時已經好香黑松露味，魚柳比想像中大塊共兩塊，配菜一啲都唔馬虎，有南瓜煙肉車厘茄，最欣賞係佢個手工貝殻粉，我未食過呢個形狀架！不過我地兩個人食唔到咁多，尤其佢有用芝士汁，好快就飽咗，有啲膩。
Summer Punch
$88
7 views
0 likes
0 comments
今日我同朋友都想飲甜唔想飲酒，就叫咗呢兩杯mock tail，略嫌細杯咗少少。
蘋果撻伴開心果雪糕
$68
18 views
0 likes
0 comments
飯後叫咗個我地覺得好特別既甜品，畢竟開心果雪糕唔係度度都有，新奇之餘味道一流，好有咬口，有啲粒粒果肉，係自家製既雪糕，一啲都唔貴呀！夾埋唔漏既蘋果撻，我哋好滿意呢個甜品。
現在仲有live band，幾個年輕男女唱好多首中港台甚至歐美既流行曲，聲浪唔算太大，都以relax曲風為主，聽得好舒服，如果唔係第日要返工，我哋實坐耐啲呀！
Post
