Fun Fun 串串鍋 (Closed)

今日約咗friend去街，行完街好攰然後我哋就係OpenRice搵左呢一間串串鍋嚟試吓啦。一去到，鋪內都好full，好彩我哋等咗大約10分鐘左右就有位！一開始我哋叫咗個胡椒魚肚湯底，去到個雪櫃度見到好多食材，包括丸煩、牛肉、蟹柳、牛栢葉等等都係用竹籤串起比我地拎入鍋度滾，好方便。有啲牛肉、魚皮、鵝腸等特別既野就要分開叫，其實我好鍾意嗰個湯底，胡椒味好濃而且配埋啲牛肉同埋肉串，特別係個莞茜牛肉串，湯底成功帶出肉味既鮮甜，芫荽牛肉呢個配搭真係好match,好好味😋！總括來講，呢間鋪嘅價錢好親民，而且火鍋材料都算新鮮，出面雪櫃野食都fill得好快，下次我會再約朋友一齊嚟食！