Rakuraku 樂拉麵 (MegaBox)

Open Now

Now Closed

今日特登去「姨媽」傢俬買個櫃仔同廚房用具，完成任務正直午餐時間，梗係要醫下個肚，當然「姨媽」入面都有嘢食，但我個人覺得真係嘛嘛，上次嚟「探路」，記得個food court 有日本麵食，今次嘅然再嚟呢度，點都要試吓。間嘢好似叫樂拉麵～柯打咗一個～櫻海老拉麵 另一個～赤貓（辛辣）小食～鐵板薄牛舌片同，唐揚魷魚鬚櫻海老依個係有好多櫻花蝦（目測起碼3-4湯匙份量）加龍蝦湯，木耳同葱花，當然仲有幾片叉燒同流心蛋，櫻花蝦加上龍蝦湯二樣嘢撈埋一齊～飲啖湯先，濃郁嘅「蝦」味道衝擊味蕾，喺你嘅口入面一路衝到上腦～正！叉燒亦都係中上水準，呢碗麵整體對得住呢個價錢，當然如果叉燒多一二片就更加完美。😋另一樣鐵板牛舌片～此終係小食份量唔會太多，呢味反而有驚喜～好嫩滑同口感很好，我會建議食咗呢個先，因為鐵板此終係熱，所以耐咗牛舌會「鞋」，效果會差少少。魷魚鬚～唔知係咪炸燶咗小小，所以有小小苦。至於另一碗麵，我無偷食，所以唔知點，但另一半話味道不錯～至小佢其實唔食豬肉都清晒啲叉燒🤫，咁味道應該算不錯吧😅。