Video
Read full review
2011-06-19
58 views
雖然早幾日先食過, 但係我又身痕想食海鮮, 所以我嘅腳步又不由自主咁咗去發記。因為正如我之前所講一樣, 發記真係南區最好而又開得最夜食海鮮嘅好地方。去到呢次就無咁好運, 因為今晚全塲爆晒, 好彩(定唔知係唔好彩)今次我都係一個人去, 而侍應又認得我, 所以就叫我搭枱, 我無問題, 我只係唔想等位啫, 況且咁耐都無搭過枱, 間中一次又有咩所謂呀!?幾得意呀, 話晒N年無試過。今次我就想食其他嘢, 所以就叫咗個砵酒蒸基圍蝦、一個粉絲蒸天使蚌同一個上次令我回味無窮嘅白灼三寶。1)白灼三寶---味道同質素如何, 我就唔再多講啦, 上次已經講過, 令我可以再食嘅嘢, 我唔敢話係人間美味, 但係一定唔會差得去邊!!!2)砵酒蒸基圍蝦---呢個係我好想食、但係一直無機會食到嘅!!!因為唔係賣晒就係無貨。今次難得有, 我當然立即叫一個嚟食下。一嚟到, 非常香嘅砵酒味，咁嘅煮法食落令到啲蝦好甜，而且估唔到基圍蝦嘅頭都會有膏, 但係唯一美中不足係啲基圍蝦好幾隻唔夠新鮮；喺我食嘅期間,我諗到下次食呢個煮法時, 可以俾多少少錢用海中蝦或花竹蝦嚟整，我相信效果會比基圍蝦好至少10倍。3)粉絲蒸天使蚌---恕我見
去到呢次就無咁好運, 因為今晚全塲爆晒, 好彩(定唔知係唔好彩)今次我都係一個人去, 而侍應又認得我, 所以就叫我搭枱, 我無問題, 我只係唔想等位啫, 況且咁耐都無搭過枱, 間中一次又有咩所謂呀!?幾得意呀, 話晒N年無試過。
今次我就想食其他嘢, 所以就叫咗個砵酒蒸基圍蝦、一個粉絲蒸天使蚌同一個上次令我回味無窮嘅白灼三寶。
1)白灼三寶---味道同質素如何, 我就唔再多講啦, 上次已經講過, 令我可以再食嘅嘢, 我唔敢話係人間美味, 但係一定唔會差得去邊!!!
2)砵酒蒸基圍蝦---呢個係我好想食、但係一直無機會食到嘅!!!因為唔係賣晒就係無貨。今次難得有, 我當然立即叫一個嚟食下。一嚟到, 非常香嘅砵酒味，咁嘅煮法食落令到啲蝦好甜，而且估唔到基圍蝦嘅頭都會有膏, 但係唯一美中不足係啲基圍蝦好幾隻唔夠新鮮；喺我食嘅期間,我諗到下次食呢個煮法時, 可以俾多少少錢用海中蝦或花竹蝦嚟整，我相信效果會比基圍蝦好至少10倍。
3)粉絲蒸天使蚌---恕我見識淺薄, 我唔係好知咩係天使蚌, 只係覺得天使蚌似係細隻啲嘅貴妃蚌, 一食落去就知係新鮮嘢, 因為夠彈牙同鮮味, 呢啲嘢無得人工做出嚟嘅! 而且, 又一次食到蒸到啱啱熟就送上枱嘅技巧之作!!!
好食嘅嘢, 其實唔需要啲咩宣傳都自然有人會去食, 我一個人食到夜晚11點幾, 都仲係有人不斷入嚟, 可想而知呢度嘅食物水準係點, 最大缺點係我今晚只得一個人食, 想食多一、兩個餸都唔得!
Post
