Video
Read full review
2016-11-16
1980 views
住左係官塘呢區真係有好多年了.. 因為唔係住係呢頭附近, 黎得宜安街只有一個目的! 就係食『蛇羹』由爸爸介紹之下, 自始就好似有一套模式咁, 係深水涉就要食邊一間, 黎得官塘就係食蛇王龐爸爸講過蛇王龐係呢條街打等已經有好多年, 而且家族生意, 宜家見到連佢個仔都繼承父業, 係舖頭幫手❤️黎得呢度當然只有一個目的! 當然就係食蛇!! 蛇不是個個都好, 而愛好者就好似被佢地一股魔力吸引著😍多數黎呢度都係叫套餐, 蛇羹(細) + 蛇湯 + 糯米飯 $71糯米飯係製作時已經加入適量既豉油調味, 製作完成後加入大量立腸撈勻, 食落啖啖都有立腸而上面放上蔥花同香脆既花生, 增加原有既糯米飯層次! 👏🏻👏🏻👏🏻因為原先已加入適量豉油, 味道恰到好處已經唔使再加上其他調味了!簡簡單單既一碗糯米飯其實放左滿滿心機!❤️蛇羹(細)滿滿既一碗蛇羹, 內裡充滿著無窮無盡既蛇肉, 非常足料! 😍😍😍👍🏻蛇肉當然係蛇羹既靈魂, 老闆絕不會因貨就價, 蛇肉並唔係蛇肉絲而係蛇肉條, 食落唔會hi口但富有咀嚼感, 蛇羹不會過份杰身, 濃杰適中, 加上檸檬草提升蛇羹既清香感覺除左檸檬草外仲有不可缺少既薄脆, 呢2樣都係蛇羹不
由爸爸介紹之下, 自始就好似有一套模式咁, 係深水涉就要食邊一間, 黎得官塘就係食蛇王龐
爸爸講過蛇王龐係呢條街打等已經有好多年, 而且家族生意, 宜家見到連佢個仔都繼承父業, 係舖頭幫手❤️
黎得呢度當然只有一個目的! 當然就係食蛇!! 蛇不是個個都好, 而愛好者就好似被佢地一股魔力吸引著😍
多數黎呢度都係叫套餐, 蛇羹(細) + 蛇湯 + 糯米飯 $71
糯米飯係製作時已經加入適量既豉油調味, 製作完成後加入大量立腸撈勻, 食落啖啖都有立腸而上面放上蔥花同香脆既花生, 增加原有既糯米飯層次! 👏🏻👏🏻👏🏻
因為原先已加入適量豉油, 味道恰到好處已經唔使再加上其他調味了!
簡簡單單既一碗糯米飯其實放左滿滿心機!❤️
蛇羹(細)滿滿既一碗蛇羹, 內裡充滿著無窮無盡既蛇肉, 非常足料! 😍😍😍👍🏻
蛇肉當然係蛇羹既靈魂, 老闆絕不會因貨就價, 蛇肉並唔係蛇肉絲而係蛇肉條, 食落唔會hi口但富有咀嚼感, 蛇羹不會過份杰身, 濃杰適中, 加上檸檬草提升蛇羹既清香感覺
除左檸檬草外仲有不可缺少既薄脆, 呢2樣都係蛇羹不可缺少既配料之一! 😋
蛇湯
蛇湯既藥材味都算濃, 飲落口令人好舒服! 加上熱辣辣上枱, 飲完真係會令人覺得份外溫暖!
因為每次幫襯時都好多客人, 店子少少但客人眾多, 好多時老闆都係忘記比蛇湯, 未知係想等客人食完蛇羹再提供定係唔記得, 所以每次食到一半都會提提佢地
蛇湯係包的, 所以記得叫佢地補返啊!😊
一個簡簡單單既蛇羹餐已經可以令人覺得好溫暖!
Post
