福岡漢堡扒 (厚福街) (Closed)

在韓國好有名嘅福岡漢堡扒終於喺香港開分店，知道後小編立刻約埋朋友一齊嚟試試。福岡漢堡扒嘅食法好特別，店提供一塊熱石，自己將個和牛球一小塊切開放喺塊熱石上燒，燒幾熟自己話事，不過原來塊熱石好熱，和牛放上去一陣就熟。如果塊熱石燒燶店員會幫手換另一塊新，並且每人亦都有自己嘅煙筒，非常衞生。又有得玩又有得食，香港人就最啱，所以店舖非常受歡迎，當日都見滿坐並且門外都有人排隊等候。小編同朋友選咗兩款和牛漢堡扒，分別係📌雞蛋和牛漢堡扒同📌菠蘿煙肉和牛漢堡扒，兩款都係和牛漢堡做主角，唔同嘅係配搭，一款係雞蛋，而另一款係菠蘿煙肉，不過每款都有麵豉湯同沙律，整體份量亦適中。和牛肉質鮮嫩，燒後更加滋味，配上雞蛋或者菠蘿煙肉更加惹味。📌月見味噌牛丼小編意猶未盡，叫多一個月見味噌牛丼，和牛切成薄片，肉質鮮嫩，配上蛋汁同菇菌，口感豐富味道難忘。📌百香果特飲百香果特飲味道清新又大大杯，必選。