Video
Read full review
2023-06-13
67 views
考完試繼續瘋狂去玩啦，今日就同小廚師 Kelsey 去馬灣東灣沙灘旁既親子餐廳 Cafe Roma 跟廚師學整Pizza 先🥳馬灣對我地黎講一D 都唔陌生，一有時間我地都鍾意入黎走走！感覺遠離煩囂，靜靜享受一下。Cafe Roma 早前裝修完成，我地之前都有去過，鍾意佢除左有精緻豐富嘅兒童餐外，餐廳內設有一個小小圖書閣，有中西繪本同圖書，另外仲有顏色筆、畫紙同玩具等... 可以俾小朋友娛樂一下亦都俾機會媽媽放空一番。 室外仲免費提供沙灘玩具添。今次除咗同 Kelsey 嘆一下之外，我地仲參加左佢嘅【兒童薄餅工作坊】，工作坊由持有幼兒教育認可資格嘅導師帶領，藉著搓揉麵團去訓練小朋友小手肌嘅協調性，透過接觸各款食材去加強感官學習。有得整pizza 芷娸梗係相當投入啦!!! 期間導師仲會同小朋友進行繪本共讀。整過個程都玩得好投入同開心。由搓皮至落醬料、配料，個個小朋友都樂在其中！玩完仲有一套廚師衫同證書帶走，成就感滿滿🤩除左玩就梗係要食埋先走啦，餐廳嘅食材由意大利直接進口、以優質新鮮食材為主，菜式以傳統意大利烹飪技巧處理!!期間限定Cafe Roma x Marcus & Marcus Am
馬灣對我地黎講一D 都唔陌生，一有時間我地都鍾意入黎走走！感覺遠離煩囂，靜靜享受一下。Cafe Roma 早前裝修完成，我地之前都有去過，鍾意佢除左有精緻豐富嘅兒童餐外，餐廳內設有一個小小圖書閣，有中西繪本同圖書，另外仲有顏色筆、畫紙同玩具等... 可以俾小朋友娛樂一下亦都俾機會媽媽放空一番。 室外仲免費提供沙灘玩具添。
今次除咗同 Kelsey 嘆一下之外，我地仲參加左佢嘅【兒童薄餅工作坊】，工作坊由持有幼兒教育認可資格嘅導師帶領，藉著搓揉麵團去訓練小朋友小手肌嘅協調性，透過接觸各款食材去加強感官學習。有得整pizza 芷娸梗係相當投入啦!!! 期間導師仲會同小朋友進行繪本共讀。整過個程都玩得好投入同開心。由搓皮至落醬料、配料，個個小朋友都樂在其中！玩完仲有一套廚師衫同證書帶走，成就感滿滿🤩
除左玩就梗係要食埋先走啦，餐廳嘅食材由意大利直接進口、以優質新鮮食材為主，菜式以傳統意大利烹飪技巧處理!!
期間限定Cafe Roma x Marcus & Marcus Amusing Kids Set 兒童套餐特別選用咗Marcus & Marcus 嘅創意玩味餐具，見到都胃口大開！套餐包括是日餐湯、主菜、新鮮水果沙律及果汁！套餐造型超吸睛，我都好想食埋一份🍽️
至於大人當然都要食好啲啦❤️先嚟即切即食嘅🍖🧀雜錦凍肉芝士拼盤再配各種芝士，配襯了杏桃、提子、醃漬小黃瓜、醃漬珍珠洋蔥、核桃丶蜜糖及薄脆餅乾伴吃，勁鍾意食Cold Cut同芝士嘅我實在太過開心🥳
🐟🍤意式炸海鮮盤裏面包括銀鱈魚、小魷魚、海蝦、新鮮意大利番茜伴他他醬及檸檬角，食落味道清新
🦞龍蝦汁海鮮燴意大利飯嘅燴飯索滿咗海鮮濃郁味道口感亦弄得恰到好處，加上鮮大蜆、澳州新鮮青口、海鱸魚、海蝦及小魷魚等非常豐富嘅材料，實在太過討人歡喜😃
🥓傳統卡邦尼意粉配煙燻豬臉煙肉、羅馬式帕哥連勞芝士同高溫消毒蛋黃，阿女就最鍾意食
🫕白酒忌廉煮澳洲新鮮青口配車厘茄及意大利番茜，青口食落鮮甜，忌廉汁仲可以用嚟食麵包添
🍖燒焗美國豬肋排骨配雜菜沙津及迷迭香焗新薯伴煙燻燒烤醬。，吃落超級鬆化而且勁入味
🍕辣肉腸薄餅用嘅係辣肉腸片、車厘茄、水牛芝士及自家製茄汁，脆脆薄餅超級好味
🍧最後仲有經典意式甜品拼盤，Cafe Roma 自家製提拉米蘇 | 沙巴翁 | 意式奶凍，小朋友見到都即刻飛撲埋嚟❤️
🍹我哋仲叫咗兩杯唔同嘅消暑特飲Grape Island 同Pineapple Breeze ，顏色夠晒夏日，裏面仲有唔同嘅生果添！
提提大家:-
堂食或外賣消費滿港幣HK$300或以上，即可換領指定精美禮品乙份。特別適合露營、野餐或各類戶外親子活動。
Post
