蝦蝦麵 (Closed)

3-10-2010九龍城泰國食店多的是, 供應星馬菜的卻 3 隻手指數都嫌多 , 難得呢度開了間蝦麵專門店, 是日趁阿爸阿媽落街買嘢食,「搭單」托佢買了碗「蝦蝦麵」試試.打開碗蓋, 立即聞到好濃蝦湯味, 不過湯底飲落有點太鹹, 味道比灣仔嗰間同類食店 (http://www.openrice.com/restaurant/commentdetail.htm?commentid=1908230) 差一截, 可幸 MSG 度唔高; 配料就有蝦, 帶子, 豬肉片, 魚片及烚蛋, 最欣賞魚片及的蝦, 前者香口鬆化, 後者已去殼「斬頭」食得方便, 蝦肉亦結實爽口, 30 幾蚊有咁嘅貨色算不錯; 麵底就揀了油麵, 不過煮得有點太軟腍, 亦帶少少去唔清的「油」味 , 早知食米粉啦.另仲有一小兜辣醬, 倒落湯內得, 就咁用嚟蘸嘢食亦得, 味道幾辣, 又帶點酸, 乜咁似印尼 sambal sauce?原來湯麵仲跟一杯飲品, 阿爸就幫我叫了凍奶茶: 係港式, 勁多冰, 飲落幾甜, 不過茶味夠又無澀味, non-茶記嚟講收貨有餘了.小試牛刀雖然未至於食到嘻嘻蝦蝦嘩哈哈, 不過印象唔算差, 有機會再來堂食試