七哥麵當

Open Now

Now Closed

之前嚟駱駝漆工廈行街發現咗呢間小店，當時店主夫婦(七哥夫婦）好熱情咁介紹佢哋嘅招牌菜，可惜嗰日啱啱食飽飽，無緣試到呢日同朋友嚟開觀塘，捉埋佢一齊試吓先一人一碗招牌胡椒雙餸湯麵，再加多個小食🔸招牌胡椒豬手豬肚湯麵胡椒豬肚湯湯味濃郁，胡椒味突出得嚟唔會太嗆喉，啱哂我口味湯帶膠質，無油膩感，健脾暖胃豬手骨膠原十足，豬皮軟滑豬肚軟嫰麵條軟硬度啱啱好，分量亦適中個麵唔係淨係啖啖肉同麵條，仲有甜甜嘅椰菜㗎～🔸招牌胡椒豬手豬軟骨湯麵朋友都覺得個湯好好味不過，好辣嘅佢話個胡椒味可以再重啲朋友話啲豬軟骨超級超級軟淋，一啖咬落去有肉有軟骨，高度推介（七哥之後話我哋知啲豬軟骨係嚟自鹿兒島嘅，唔怪之得啲豚肉味咁出色啦！）🔸深海劍魚腩七嫂話係刺身級劍魚腩，舖頭可以幫你煎埋，仲有九折添！佢介紹第一啖先試魚嘅原味、第二啖就加檸檬汁，第三啖就加即磨海鹽同胡椒～我鍾意加咗檸檬嘅，因為可以提升魚嘅鮮味，朋友就鍾意加咗海鹽同胡椒，口感重啲～呢度除咗胡椒豬手豬肚/豬軟骨湯，仲有眉豆花生鳳爪湯，七哥請咗我哋試，佢話鳳爪係日本貨，嚟自岩手縣，味道好之餘乾淨企理，朋友勁鍾意，話啲湯好有媽媽煲湯嘅味道，隻鳳爪好淋好入味😋呢間小店嘅招