Goobne Chicken (The Hart)

Open Now

Now Closed

同朋友聚餐，一大班frd 子最好食韓國野! 黎到酒吧林立嘅赫德道，夜晚好旺，要黎記得訂好枱，用餐時間限90分鐘。叫service 可以用枱面嘅鐘，店員好快就落好哂單。魚糕鍋熱辣辣上枱，魚糕非常軟滑，湯汁帶少少香辣，仲有雞蛋同蔬菜配料。最鍾意呢款魚糕，腐皮入面有爽滑粉絲，好有層次!雞蛋卷好大條， 又足料，蛋卷好滑，每次黎都必食!蜜糖咖哩烤雞，甜甜地帶咖哩香味，份量好多，烤雞都可以又脆又嫩滑，厲害!果味蒜香烤雞，168蚊，呢款醃得更加入味，加d 檸檬汁更好食。芝士炒年糕，好大碟! 大量芝士係底，上面放滿韓式辣醬年糕，魚糕同即食面，非常邪惡了吧～到叫飲品時間，鯊魚之淚夠哂誇張吸睛，真係好似冰封嘅大海!朋友叫嘅蘋果酒飲品，下面係似雪碧嘅沙冰，非常大杯，兩個人一杯都ok我叫左柚子沙冰，都係好大杯，酸酸甜甜又冰涼，配烤雞唔錯!每人大約230蚊，係大班朋友聚餐唔錯嘅選擇。