金牌小龍 (Closed)

成日食親中菜，餐廳裝修都係好傳統既中式，但今次食金牌小龍居然係行文青路線。綠草堆成牆，加上淺黃既燈光及淺色木系桌椅，新派既裝修令人感覺舒服。餐廳既食物選擇好多，小菜、面飯、小食等應有盡有，今日都叫左好多唔同既野😎蟹黃小籠包上海野點可以漏左小籠包呢💪🏻皮雖然唔係好薄，但勝在夠juicy,而且餡入面真係有粒粒蟹黃，真材實料👏糯肉燒賣第一次見到，貪新鮮試下，原來係燒賣皮包住糯米，味道唔算太特別，但糯米夠飽肚😌生煎包一客四件的的式式，底脆脆地，入面都保留到少少肉汁。蕃茄蛋拌麵味道甜甜地，小朋友應該會好鐘意，麵條掛上醬汁，開胃又好食😬紅燒牛肉麵湯頭少少辣，幾惹味。牛肉用左牛𦟌，炆得炆身入味，麵條用左上海麵，口感都彈牙。蟹黃瑤柱扒西蘭花滿滿既西蘭花山，擺盤好靚，淋上左有份量不少的瑤柱絲同蟹黃既茨汁，令西蘭花味道更有層次❤️❤️水晶蛋糖沁蛋，上面放左少少松露醬，味道濃上加濃，推介！