皇后飯店 (Closed)

又一城選擇真係唔多，以前喺附近返學到而家都係一樣無咩揀。隨便揀咗皇后飯店，見佢有下午茶餐就入去。一坐底睇到menu 就知伏了，揀唔落手。最後揀咗炒貴刁同蟹柳大蝦炒烏冬。炒貴刁係無味的，有好多條河粉仲未炒開，痴埋一叠。好似餸頭餸尾炒埋一碟咁，$100蚊呢個質素真係想喊😭我諗任何一間茶記都好過佢炒烏冬好啲，起碼有味，係基本茶記質素，蝦都有幾粒，都叫ok，但蟹柳係用最平最難食嗰隻款，唔知係咪想有舊香港特色，用都用最貼地嘅材料。埋單二百幾食呢啲🤦🏻‍♀️好無奈