Sedap Malaysian Delights (Closed)

星期日午飯時份見人少就即管入去試吓，入去招呼尚可，但係要點菜嘅時候就唔見人。餐牌食物選擇睇落幾多，最後叫咗咖喱雞煲、印度薄餅同馬拉盞通菜。上菜時雞煲下面個蠟燭冇點，雞肉超鹹，咖喱汁似罐頭汁；薄餅一塊侍應話兩個人未必夠飽，可以叫多塊，嘩成58蚊一塊㗎，去印度餐廳都唔會咁斬人法啦，而且口感相當一般。炒通菜亦好普通。另外叫咗一杯薏米水、一杯熱拉茶，前者不過不失，後者似香精加水，埋單$311，唔算好貴但我去土X工房都好食啲，而且唔會失望囉。