Video
Read full review
2023-12-09
16 views
對呢度嘅第一感覺係：好靚！我哋一入到店內就睇中咗鞦韆椅嘅位置。椅上放咗好多公仔，仲可以一邊嘆住嘢飲，一邊輕搖張椅，勁Chill！-香煎鵝肝同韓燒牛肉碎拌飯-真係好正！鵝肝煎得啱啱好，外面酥酥哋，入面好軟好滑，同牛肉碎嘅味道夾得好好。拌飯一啲都唔乾，每一嘆都充滿層次，好滿足。-泡菜煙三文魚他他配酥炸脆球-呢個組合真係有驚喜。泡菜有啲辣，配搭煙三文魚一齊食，中和咗辣味之餘，仲帶有淡淡嘅煙薰香味。，一啖咬落去，口感層次豐富，仲有脆球嘅酥脆，好正！-黑芝麻麻糬窩芙同豆腐雪糕-黑芝麻味濃郁，麻糬Q彈，窩芙烤得啱啱好，再配上凍凍嘅豆腐雪糕，呢個組合真係冇得輸。-日本宇治抹茶朱古力-呢杯熱飲暖笠笠，抹茶同朱古力嘅味道混合得剛剛好，唔會太甜，但又飲得出宇治抹茶嘅輕微苦味，啱晒綠茶控！-藍蝶花冰極熊柑桔梳打-個熊仔出造型冰好可愛呀！！呢杯飲品真係又靚又好飲，清新嘅柑桔味加上藍蝶花嘅香氣，飲落去爽口得嚟，仲好適合打卡，女仔一定勁鍾意！
對呢度嘅第一感覺係：好靚！我哋一入到店內就睇中咗鞦韆椅嘅位置。椅上放咗好多公仔，仲可以一邊嘆住嘢飲，一邊輕搖張椅，勁Chill！
-香煎鵝肝同韓燒牛肉碎拌飯-
真係好正！鵝肝煎得啱啱好，外面酥酥哋，入面好軟好滑，同牛肉碎嘅味道夾得好好。拌飯一啲都唔乾，每一嘆都充滿層次，好滿足。
-泡菜煙三文魚他他配酥炸脆球-
呢個組合真係有驚喜。泡菜有啲辣，配搭煙三文魚一齊食，中和咗辣味之餘，仲帶有淡淡嘅煙薰香味。，一啖咬落去，口感層次豐富，仲有脆球嘅酥脆，好正！
-黑芝麻麻糬窩芙同豆腐雪糕-
黑芝麻味濃郁，麻糬Q彈，窩芙烤得啱啱好，再配上凍凍嘅豆腐雪糕，呢個組合真係冇得輸。
-日本宇治抹茶朱古力-
呢杯熱飲暖笠笠，抹茶同朱古力嘅味道混合得剛剛好，唔會太甜，但又飲得出宇治抹茶嘅輕微苦味，啱晒綠茶控！
-藍蝶花冰極熊柑桔梳打-
個熊仔出造型冰好可愛呀！！
呢杯飲品真係又靚又好飲，清新嘅柑桔味加上藍蝶花嘅香氣，飲落去爽口得嚟，仲好適合打卡，女仔一定勁鍾意！
Post
