Video
Read full review
2011-12-03
597 views
搵左一陣先搵倒呢度 唔係向海果邊架 近海行入第2條路啦 好似係網球場隔離 近嘉亨灣 呢度分兩邊 一邊係整art既 另一邊係食飯既可以食飯前 (6pm-7:30pm) 加$250/人學整陶瓷 入到去坐低 老師就會比d陶瓷教你整 整碗整碟乜都得除左食飯前既呢d班 佢平時仲有 regular class... 例如油畫 陶瓷拉杯...整完陶瓷 個老師會keep住作品幫我地上色同埋燒 大概2個星期後有得拎返 過程非常有趣 快的話1.5hour入面係可以整幾樣野架! 洗完手就行過隔離廳食飯喇檯凳已經set up好晒 坐滿晒人 多人檯比較多 但係呢度唔似大部份私房菜咁要幾位起 呢度2位去食都ok既!不過檯就細d喇 同埋同其他檯都差不多貼住 所以當晚都幾嘈 不過唔緊要啦 勝在夠乾淨光猛企理餐具好靚 全部都係陶瓷作品 例如我同其他因既碗都會唔同色唔動pattern 影相出黎的確好有美感!頭盤 - 4款小食圍住老虎菜拌螺肉 全部放上一隻大圓碟上檯 忍唔住嘩一聲!老虎菜拌螺肉 - 用一隻細細玻璃杯裝住 下面係螺肉 cherry tomato 上面鋪滿沙律菜 再加幾支韭菜花 (??) 點個微酸既汁食好開胃!
呢度分兩邊 一邊係整art既 另一邊係食飯既
可以食飯前 (6pm-7:30pm) 加$250/人學整陶瓷 入到去坐低 老師就會比d陶瓷教你整 整碗整碟乜都得
除左食飯前既呢d班 佢平時仲有 regular class... 例如油畫 陶瓷拉杯...
整完陶瓷 個老師會keep住作品幫我地上色同埋燒 大概2個星期後有得拎返
過程非常有趣 快的話1.5hour入面係可以整幾樣野架!
洗完手就行過隔離廳食飯喇
檯凳已經set up好晒 坐滿晒人 多人檯比較多 但係呢度唔似大部份私房菜咁要幾位起 呢度2位去食都ok既!不過檯就細d喇 同埋同其他檯都差不多貼住 所以當晚都幾嘈 不過唔緊要啦 勝在夠乾淨光猛企理
餐具好靚 全部都係陶瓷作品 例如我同其他因既碗都會唔同色唔動pattern 影相出黎的確好有美感!頭盤 - 4款小食圍住老虎菜拌螺肉 全部放上一隻大圓碟上檯 忍唔住嘩一聲!
老虎菜拌螺肉 - 用一隻細細玻璃杯裝住 下面係螺肉 cherry tomato 上面鋪滿沙律菜 再加幾支韭菜花 (??) 點個微酸既汁食好開胃!
一口皮蛋豆腐 - 一磚唔似街市買既豆腐 上面鋪住木魚 皮蛋... 皮蛋既香味同埋一個獨特既汁 加埋豆香 仲有片片木魚 口感非常有趣
麻辣海蜇花 - 一片片海蜇花 加上芝麻粒 好多青瓜絲 所以就算有少少辣咬條青瓜都頂得順!
胡麻香茄子 - 大概四舊茄子 淋上好香胡麻醬 令人忍唔住一食再食 食晒都要食埋d汁!
薑荵醉鮑魚 - 好靚既鮑魚殼 上面鮑魚切開三片 加上薑荵 鮑魚充滿酒味 就好似醉雞咁! 換上 '煙un' 鮑魚滋味無窮! 鮑魚整得好淋 完全唔硬! 好味!
蟹粉海鮮豆腐湯 - 淡淡蟹粉香味溶入湯 有豆腐 蝦肉 等等 整體ok但略鹹
點心3拼 - 一條長木放上一片竹葉 放上三粒點心 可惜除左春卷 其他兩款都凍既!黑松露蒸包 - 其實即係小籠包加上黑松露 即刻由普通小籠包升呢 但個皮偏厚 唔晶瑩剔透囉 新意欠奉
八寶素菜餃 - 食唔出入面有齊邊幾款素菜 但都係果句 皮太厚 同埋上到檯已經有d硬 可惜
火鴨絲春卷 - 咬落口好熱 應該岩岩炸起就上檯啦 呢個就幾有新意喇
主菜京荵爆爽肉 - 隻碟好靚 加晒分 爽肉都好爽 荵爆香味一上檯就聞倒 好味! 仲有幾片pancake好似片皮鴨咁夾住食 如果個pancake都係熱就好啦 擺上一隻好靚但係好凍既碟上 想唔凍都難了 但夾住既爽肉+荵=正呀!
五柳搪醋班球 - 都係用隻細細玻璃杯上菜 半杯都係浸住五柳搪醋汁 有d荵 一舊幾大既班球 多鼻哄埋去聞下 即刻狂咳!!! 哈哈... 好攻鼻呀隻酸味.. 我唔鍾意食呢款汁 所以... no! 但班球好有口感 唔似d雪魚咁有雪味 炸得亦好金黃色好靚
秘製茶皇煙燻雞 - 一邊雞 一邊薑 的確好有煙燻味 但都係凍左 有少少似係擺耐左 所以連雞皮都唔脆喇 同埋雞肉有d鞋 而且肥膏好多
上素扒菜苗 - 好大碟呀! 好多豆苗 好多菇! 唔記得d菇名 但數倒至少有4款! 上菜時已經心諗都好令喎 好多油炒? 一食 嘩成嘴都係油 而且幾鹹 食到咁上下 頂唔順要墊高隻碟漏返d油 好surprise個油量係咁勁! 而家度度都講健康飲食既時候 真係唔應該落咁多油呢
黃金河鮮煲仔飯 - 有d蝦 豆... 呢個飯總算唔鹹 最後我地仲倒埋d茶落去刮飯焦!
甜品三弄冰花萬壽果 - 即係雪耳杏仁木瓜 好潤又清甜 杏仁好大粒
青檸石榴糕 - 呢個真係要一讚 用一隻陶瓷杯仔放住 個糕面就好似冰天雪地結左冰既河咁 可以溜冰果隻! 上面加半個青檸 啖啖石榴粒! 又唔係凍到牙痹 但透心涼! 又香又好味! 食到唔捨得食!
芒果奶黃pancake - 一人半舊 上面加塊薄荷葉 芒果加上奶黃又唔係好漏喎 凍食唔錯呀!
總括有得食有得玩 係一個好去處! 適合鍾意玩藝術鍾意影相又鍾意食既朋友 美中不足就係d野食有d鹹 用過多油 而且上菜時已經凍左 否則成晚就好完美喇! 希望可以改善下啦~
p.s. 隻鸚鵡真係好得意呀!!!!!!
Post
