圃鍋 (Closed)

見Face book openrice這裏午市套餐有65 折，lunch set约$90， 卜到去，食時又好唔好意思問有冇折，環境雅緻，坐得舒適，大大張枱，食物又有質量，心想無理由有折，可能某種套餐，食完拿單去門口，經理拿拿林埋單，就問佢，是要show Facebook 廣告,下次啦！湯，日式麵鼓湯，濃而不咸。黑醋咕嚕黑豚肉$88，粉脆肉彈，青紅椒洋葱菠蘿新鮮，顏色吸睛，爽爽脆脆，做到掛汁，酸甜皆宜，雖標榜珍珠米，但長形，都香口有飯味。迷你鰻魚飯$68，雖短短鰻魚，有水準，彈性,黏口，鳗魚靈魂所在。隔離雞，鐵鍋豉油雞，半隻好靚，對面蜂蜜柚子蝦球，6~8隻，手指粗，顏色鮮明，像天婦羅炸蝦，放上黄色西柚絲，眼仔表露羡慕，可以食咁多蝦，隔離枱壽司套餐，件件看去好新鮮，有光澤，白的白，红的红，香蕉咁粗，真係好想影相，係咁眼睜睁望住，儍儍地！