Video
Read full review
2019-04-16
56 views
今晚輪到小學識到宜家既閨密同我補祝生日，就返其中一個係尖沙咀放工，所以揀係呢頭食。餐廳似cafe咁，細細間。A la carte menu 既pasta & risotto得幾款，主要肉類多啲，最後揀咗二人餐加一碟意粉同Ribs。點完野食送上餐包，微暖，入面好軟綿，好味！塊芝士脆餅好香，有少少番茄乾👍🏻👍🏻二人餐前菜揀咗法式焗田螺，田螺落左啲香草醬比較油，唔太鍾意田螺既味道，有啲怪怪地。但底下啲蒜蓉薯蓉好正超香！餐湯係雜菜湯無乜特別。Pasta/risotto入面揀一款，揀左黑松露芝士煙肉菠菜Gnocchi，大家食完一致覺得好鹹，gnocchi質感係幾好有啲煙韌，黑松露味都出既，不過真係太鹹喇食唔晒。Main course揀左烤燒美國牛腹膜柳，要medium，燒到好靚，一切就feel到肉質好軟腍，牛味都幾濃，side dish有啲薯蓉同茄蓉雜菜，相比田螺個蒜蓉薯蓉就失色好多，普通左啲不過都夠綿滑。另外叫左煙肉少椰菜仔，椰菜仔有少許澀但可接受，如果唔係連煙肉食會食唔出煙肉味，煙肉唔夠香。原先叫左松葉蟹🦀味噌蟹羔鵪鶉蛋意大利麵伴龍蝦汁🦞，但waitress話無蟹羔轉海膽得唔得，我地都ok所
點完野食送上餐包，微暖，入面好軟綿，好味！塊芝士脆餅好香，有少少番茄乾👍🏻👍🏻
二人餐前菜揀咗法式焗田螺，田螺落左啲香草醬比較油，唔太鍾意田螺既味道，有啲怪怪地。但底下啲蒜蓉薯蓉好正超香！
餐湯係雜菜湯無乜特別。
Pasta/risotto入面揀一款，揀左黑松露芝士煙肉菠菜Gnocchi，大家食完一致覺得好鹹，gnocchi質感係幾好有啲煙韌，黑松露味都出既，不過真係太鹹喇食唔晒。
Main course揀左烤燒美國牛腹膜柳，要medium，燒到好靚，一切就feel到肉質好軟腍，牛味都幾濃，side dish有啲薯蓉同茄蓉雜菜，相比田螺個蒜蓉薯蓉就失色好多，普通左啲不過都夠綿滑。
另外叫左煙肉少椰菜仔，椰菜仔有少許澀但可接受，如果唔係連煙肉食會食唔出煙肉味，煙肉唔夠香。
原先叫左松葉蟹🦀味噌蟹羔鵪鶉蛋意大利麵伴龍蝦汁🦞，但waitress話無蟹羔轉海膽得唔得，我地都ok所以照點。估唔到佢啲海膽就咁放一邊，以為放係意粉面。意粉煮得幾好唔會過腍，有啲硬度，但就未至於al dente，每條意粉都掛滿龍蝦汁好味，但就食完先發現碟有啲一絲絲蟹肉，我地食個時就食唔出有蟹肉😦證明太少。
重有BBQ蜜糖醬燒美國豬仔骨配脆炸番薯條，加多$20有芝士係面。閨蜜覺得呢個無牛腹膜柳咁正，佢地鍾意軟腍腍既肉多啲，我覺得ribs都幾好味，鹹鹹甜甜，都幾厚肉，切開啲肉帶點粉紅色，佢地大讚個炸番薯條正，不過我嫌佢外面唔夠脆，入面唔夠軟腍。
二人餐跟左個香蕉朱古力pancake，閨蜜事前講定要黎慶祝生日，所以點蠟燭寫左字俾我❤️sweet sweet！因爲之前book呢間餐廳時話想食佢地個earl grey panna cotta，佢地同左waitress講😍好滑，不過偏重奶多啲，伯爵茶味可以再濃啲！
pancake味道普通無乜特別，個皮煎得幾薄。
Post
