BBQ 7080 (Closed)

又食韓國菜啦不過今次食韓燒 呢間既環境好有工業味道 幾特別 枱枱都有一瓶麥茶 好夠凍 又可以解渴消膩 每人有四款調味 不過d肉本身都夠哂味 所以都無咩點用到 除左加蒜片同肉一齊食之外 前菜都有四款 洋蔥 豆腐 芽菜 泡菜 款款都水準平均 唔錯 洋蔥甜甜地 個底d汁好味 豆腐好嫩滑 芽菜夠爽口 泡菜唔太辣 醃得啱啱好 點左五花腩 烤到金黃色既五花腩 食落好甘香 新鮮爽甜既生菜包住五花腩 一啖擺落口 簡直係人間美味 仲有魷魚 得兩小串 兩三啖就食完 不過幾爽口唔韌 雞肉燒完都仲有肉汁 肉質幾嫩  而且調得幾好味 甜甜地咁 韓燒嗌左豬肉 雞肉 又點可以唔叫埋牛肉啊 個牛肉又係調得好好味 幾鮮味 最後又嗌多個貴過第一碟五花腩既黑毛豬五花腩 一黎到係好厚好大塊 不過剪左一半黎燒 燒燒下先記得影相  其實貴d既五花腩都係同之前果碟差唔多味 不過都係超好食 唔係唔會叫多碟啦