The Salted Pig (Closed)

早幾日返工勁忙全天候開會，食完個早餐之後全日冇食過嘢，放工嘅時候我肚餓到癲咗，原本約咗人係諾士佛台度飲嘢，見到呢間餐廳有得飲又有得食，即刻轉場去呢度又食又飲仲好。送酒梗係要食前菜啦，pama ham我最愛，仲有煙三文魚同埋其他煙肉，配埋白酒一齊食，味道好香，好鐘意煙肉在我口腔入邊嘅味道，令人非常回味。另外叫咗呢個菠菜酥皮批，新鮮焗起外面好香脆，入面餡料好多，配埋獨有醬汁，非常好味，好正！除咗飲白酒我哋仲飲埋啤酒，飲酒特別想食煎炸野，所以叫咗碟fish and chips，炸魚兩舊非常大狗，新鮮炸起外脆內軟，最鍾意佢炸魚入面都好有味道，而且 魚肉唔會好鬆散，仲有一大堆厚切薯條，送酒一流。最後來個德國豬手，非常大盤，上枱嗰陣時真係有啲俾佢嚇親，真係非常大隻而且好好肉，肉質鹹鹹地配啤酒真係絕配，豬手表皮充滿骨膠原，點埋醬汁特別好味，除咗大大隻豬手我非常欣賞佢下面嘅酸菜，食豬手其實都幾溜，所以豬手配少少酸菜一齊食，可以中和溜的感覺，食多幾舊都唔怕。今餐真係非常豐富，兩個人竟然可以食咁多野，坐足四個鐘開心又relax。