Video
Read full review
2016-04-22
5224 views
我朋友話不如去佐敦打粥底邊爐, 一聽名字"鍋心", 一 search 之下, 原來係大圍個間, 原來佢係佐敦開左分店, 即刻答應去試下! 分三段時間, 頭段係 6:00-8:30, 我地為免楝中段要等, 所以我地棟左頭段食, 個日一放工, 就即刻奔跑搭地鐵過佐敦....黎到剛剛好六點正, 我地發覺, 其實好多人都未開始打, 只係搵個個代表黎攞左抬先..., 但係眼所見都full 晒! 哩度叫法係, 一定係粥底, 包括當日新鮮的七款海鮮 (視乎老細個日見到咩新鮮就買咩), 仲可以自選五款配料, 所有分量係根據人頭俾既, 唔使驚唔夠食, 因為好足夠! 最後會加芋頭, 南瓜, 粟米, 煲粥食! 完成...一坐底就放底盤沙律..啲菜都好新鮮, 話要係 FB 打咭先送, 但係我地冇打咭都已經放底左 (不過送完即止!)之後會上一鍋粥水俾你一陣打邊爐..好清! (唔好睇佢而家咁清, 到最後食晒所有野, 個碗粥真係好味)今日海鮮包括七款:蟹係第一步放落粥到, 今日啲膏都算多, 好鮮!鮑魚好彈牙好淋, 唔細隻架!哩三款貝殼類我都唔識分, 我只知道又係好鮮甜, 但記住千祈唔好煮太耐, 記住一開口煮多一陣就
哩度叫法係, 一定係粥底, 包括當日新鮮的七款海鮮 (視乎老細個日見到咩新鮮就買咩), 仲可以自選五款配料, 所有分量係根據人頭俾既, 唔使驚唔夠食, 因為好足夠! 最後會加芋頭, 南瓜, 粟米, 煲粥食! 完成...
一坐底就放底盤沙律..啲菜都好新鮮, 話要係 FB 打咭先送, 但係我地冇打咭都已經放底左 (不過送完即止!)
之後會上一鍋粥水俾你一陣打邊爐..好清! (唔好睇佢而家咁清, 到最後食晒所有野, 個碗粥真係好味)
今日海鮮包括七款:蟹係第一步放落粥到, 今日啲膏都算多, 好鮮!
鮑魚好彈牙好淋, 唔細隻架!
哩三款貝殼類我都唔識分, 我只知道又係好鮮甜, 但記住千祈唔好煮太耐, 記住一開口煮多一陣就食得啦!
啲蝦黎到時, 係有隻碟放係上面, 原來啲蝦仲識郁, 堅新鮮呀!
哩條應該係多寶魚, 我覺得一般, 可能太多骨!
食到咁上下, 員工會幫我地加入芋頭, 南瓜, 粟米, 仲叫我地唔好食左佢...可能係要用黎增加個粥味..(係之後我地食左少少芋頭, 好味呀! 如果唔係叫我地唔好食, 我唸我會食晒囉)自選配料我地楝左: 花枝丸, 貢丸,
自家制手打雞骨丸
花膠仔, 夠骨膠原
因為之後個鍋底要用黎煮粥, 所以我地冇楝牛肉, 楝左黑毛豬梅頭肉, 冇楝豬腩肉, 驚會肥膏多!
食完晒所有野, 員工會幫我地加一碗粥, 再加入冬菜, 菜甫粒, 大頭菜, 豬油渣, 煮成一鑊粥!
咁既分量都係每人$198, 仲要唔使加一, 真係食到棒住個肚走!
Other Info. :
幫襯當日因為落雨, 去廁所的位置係係後門天井位, 個洗手位係露天, 佢只係搵一張帆布擋住個頂, 但係側面仍然會有雨水流下來, 比較唔係好方便同衛生
(The above review is the personal opinion of a user which does not represent OpenRice's point of view.)
Post
