秋田浜燒食堂

Open Now

Now Closed

呢個星期真係食左好多日本餐廳，而今晚又相約左朋友黎呢間食日本磯燒的餐廳試試。餐廳位置於天文臺圍，係尖沙咀港鐵站要行一陣先到。餐廳裝修都好有日本的風格，燈光柔和。坐低後店員為我們介紹了幾款二人套餐，最後我們揀選了$498/位的二人餐。而餐廳剛剛做緊一個一手抓蝦的活動，只要你一隻手可以拎到幾多隻就可以免費俾你食!而我朋友抓到6隻，所以我地可以一人三隻!抓到後，店員幫我們燒黎食!一手抓蝦活動(6隻)，蝦都唔細隻，冇諗過燒完之後係咁好食，蝦燒得剛剛好，個殼脆卜卜，D蝦非常鮮甜多汁，蝦頭還有不少蝦膏!好正呀!河豚魚干，沒有燒到水份乾哂，還吃到魚的鮮甜，魚干面塗上了甜甜的燒烤醬，再點上附有的沙律醬一齊食，味道更突出!特上刺身拼盤五點，包括了三文魚、甜蝦、油甘魚、左口魚。所有刺身都好新鮮而且是厚切，啖啖肉!最特別係左口魚有附設的酸汁可點，更加突出魚的鮮甜!漁獲濱燒，包括網鮑2隻、北寄貝1隻、帆立貝2隻。D海鮮超級新鮮，上枱的時候仲係識郁架!由於係店員燒俾我地食，所以唔會燒到過左火，網鮑燒得很彈牙、鮮甜，北寄貝同帆立貝都好爽口，燒到殼上面還有這兩款貝類的汁，很清甜!蟹味噌甲羅燒，這裡的甲羅燒附有米餅一