和牛燒肉‧純 (Moved) New Location

又想食燒肉，但係又唔想食得太過份，唯有食得簡而精。一諗起要食啲靚嘅燒牛肉，就諗起要去和牛燒肉純。今晚我哋去嘅牛燒肉純分店喺銅鑼灣分店，比尖沙咀分店好的是位處購物熱點心臟地帶，但地方比起尖沙咀分店細。由於地方少，食客通常都係已訂枱客人，無訂位的話可能要摸門釘了。Quota有限，唯有重質不重量，主打食靚肉。所以我地叫左日本產上肩眼，牛肩肉，豚腩肉，牛胸外腹。上肩眼$320，脂肪比例高，略燒之後滿口牛油香，入口滑溜！牛肩眼$225，相比起上肩眼無咁多油花，價錢平啲不過都好香牛味，值得一試。豚腩肉$98 ，由於薄切嘅關係，燒左一陣之後，收左不少油份，一啲都唔覺得油膩，性價比高。牛胸外腹$98，少肥但好juicy，質素唔錯，仲好抵食。食燒肉，梗係飲返杯日本生啤$58 chill 下！