強記飯店 (Closed)

今日黎左強記食lunch，聽講呢度既燒味幾好，所以叫左個燒味套餐($42)，包雙併燒味，白飯，油菜，例湯。我叫左叉燒燒鵝。叉燒:幾有水準，半肥瘦的叉燒，蜜味豐足，唔會過咸同過硬，好好送飯。燒鵝:普通，骨多過肉，而且肥得制油菜:西生菜，分量比較少，叫菜心會好一點例湯:今日係粉葛煲排骨，好大碗，夠火候，飲完都唔會口渴。環境方面:黎到果陣得好少人，自己一個坐四人卡位，好舒服下次再黎既話會試下呢度d燒肉，見到人地果碟好似好靚。