強記飯店 (Closed)

創新!湯清,非一般濃郁湯底,；鴨淡,非坊間帶咸香味鴨肉；瓜件,不使用既往常規瓜類和瓜粒形狀；略有梘水味湯開啓新領域,展示業界新標準,承惠$64。好很好 好很好 好很好 好很好 好很好 好很好

今晚等朋友收工，話說我地要去行街，行街前都要食野嫁，天氣又濕又凍，點都要食番啲令到個胃暖粒粒既食物入肚先得。係北角地鐵B1出口斜對面，有間個招牌好紅既舖頭叫強記，朋友話佢呢邊返工，都會近近地係呢間到食，位置夠就腳。我地去到一坐下，個姐姐好快就沖埋黎問我地食咩，我就叫咗碗鮮蝦雲吞（淨雲吞無麵）有好多粒雲吞，雖然雲吞唔大粒，但都幾有咬口，仲有幾條菜係碗底到，粒粒雲吞都有好多鮮蝦仔。朋友就叫咗牛肉麵（粗麵）好滑又咬口既牛肉，朋友話正。當然唔少得叫野飲啦。一杯熱金桔蜜，暖胃好飲。一杯凍奶茶。

咁岩黎北角去朋友屋企打通宵牌就近係呢間強記度食個晚餐先係正地鐵站口隔黎，好方便裝修等各樣都係傳統港式茶餐廳風格我嗌左野菌西蘭花炒斑片，跟餐（配飯同湯）朋友就嗌左叉雞飯餐，菜全走啲湯唔記得影相不過係好味既!少少油不過好夠味同足料冬天飲暖笠笠我個西蘭花斑片都OK，不過我個人鍾意煮得𣺉啲，未去到我覺得超好味個隻朋友個叉雞飯我試左少少都覺得一般個人覺得最好味都係個湯價錢方面我$100朋友$85有湯飲都算OK但未算特別抵食中規中矩既一餐 😄

去北角工作，隨便先食個早餐 $37，不過不失！合理價格！沒有期望，也不會失望，多士竟然有點驚喜，因為一般茶餐廳會預先烤好多士，會硬！但這個很新鮮脆口 ！好像剛烤的，很滿意！樓面也很友善！

夜麻麻去搵嘢食 原來好多餐廳都關咗門 唯獨呢間都開到凌晨12點 就入去食 強記好出名 之前係荔枝角已經食過夜晚當然餐廳無咩客 亦無咩店員我地叫咗兩個燒味飯瘦叉雞胸飯同過我食嘢嘅人都知我好挑剔 食燒味飯一定要食瘦叉同雞胸 好多人都會覺得瘦叉同雞胸唔好食 太「鞋口」我反而覺得燒得好食嘅叉燒瘦一樣咁香口 唔知有無同道中人呢？四寶飯喺香港叫四寶飯通常無得自己選擇點拼 有啲直頭話廚師發板 連啲職員都唔知 呢個四寶飯好正路 叉燒 燒肉 紅腸 咸蛋 略嫌飯有啲乾同唔夠熱辣辣整體而言 餐廳環境OK夠大 食嘅時候店員喺度清潔 好大浸綠水味 朋友好想嘔 食物👌🏻 強記呢個名👍🏻

今日同媽媽游完水，一心去薩利亞勁食～點知勁早已經超多姐姐大排長龍@0@!!! 最後起附近行行下見到呢度有燒味燉湯套餐，我最鍾意就係飲湯！立即衝入去我好肚餓啊～✨加8蚊可以轉雞湯，螺片湯，山斑魚湯或牛展湯，幾大都加$8 要個螺湯✌🏻✨螺頭雞腳湯： 本身睇個樣好似流流地，一飲落去個湯勁鮮既螺味ar😚！估唔到佢有5粒螺肉，size 都唔算細，食落去仲要係有鮮味ga~~不過雞腳媽媽就話嘛嘛地無咩味，但舊肉超腍唔錯👍🏻✨油菜勁的骰，不過燒味望落都唔錯，感覺幾豐富👍🏻 豉油雞全部都係胸🤣食落嚡嚡地無咩特別，薑蓉撈飯好食但勁咸。 燻蹄ok正正常常，有薄切同厚切，外皮食落爽口。✨叉燒個味同蜜汁幾好食，仲有少少燶位，不過食落偏咸同比較瘦，唔夠肥美。 燒鵝都好食，個皮好香，不過肉比較少，點埋個梅汁好好味。

經常OT, 星期一至星期五，基本上無湯水滋潤下，所以有湯水，仲要好飲，簡直係沙漠上嘅清泉。每次去到，一定叫嘅燉湯餐，一係飲西洋菜湯or一係飲菜膽湯，兩款都係我嘅至愛，好有火口。每次都一定飲得哂。燒味就會叫燒肉，油雞，d燒味都好高汁，仲有一碟菜送，份量arm arm 好，每次都可以食得哂，吾洗浪費。每次，on top 再會叫杯凍茶少甜，好有茶記嘅味道。最重要，係果到d 人super nice, super 有人情味，去食好次番到屋企甘！

係北角附近番工，OT都成日唔知食咩，今晚放左工又去左強記食燉湯！呢間啲燉湯真心好味，又唔覺有味精喎，唔油但又好入味🤤本身好中意係屋企飲湯，覺得呢度啲湯真係都可以止下喝💁🏾‍♀️佢啲湯仲有好多款揀，起碼10款！之前試過飲螺頭雞腳，好清甜！又有叫過豬腦雞腳，出面好似比較少有豬腦湯飲，好正🤩今次第一次叫山魚湯，仲有桂圓，都幾潤同清甜！除左燉湯，呢度都燒味都okay，個套餐有燉湯，兩餸燒味，白飯，仲有碟菜！都係七十幾蚊，幾抵食！

今日做一日乖孫，落咗北角探我嫲嫲，探之前先同咗老豆喺北角食返個早餐先。老豆帶咗我去食佢一直食開嘅茶餐廳：強記飯店。成間店大到呢…真係唔覺佢係一間普通茶餐廳…聽老豆講係開業咗好耐，佢年輕時已經有了。原來歷史悠久呀！叫嘢食先，我叫咗個沙嗲牛生菜通粉，熱華田。通粉唔係果種快熟粉，所以煮仍然比較硬身，冇快熟果種咁軟熟。老豆唔肚餓，就隨便叫咗個奶醬多嚟食，不過塊多士都真係烤得幾好，熱熱哋外皮脆脆哋唔錯，內餡應該係煉奶同花生醬。

前幾日個friend黎食完之後話啲湯好好味，所以今日就決定去試一試。同朋友各一嗌一個小菜，分別叫左茄子豆腐肉碎同埋嘟嘟雞煲。份量非常大。茄子肉碎，撈飯一流。嘟嘟雞煲就冇乜特別我地各自各都嗌左一碗螺片雞腳湯，用料好足，好強螺片。但明明我同friend都係嗌同一款，但係味道唔太一樣。一碗有螺味啲但咸。另一碗就冇咁多螺味但落鹽就冇咁重手。但總括黎講湯係幾出色嘅。以廳聽黎講價錢都唔平，小菜+湯基本上都過$100。所以只會揀像湯水嘅時候黎

荔枝角返工無理由唔識呢間「強記飯店」！呢間強記最出名就係燒味，雖然離公司有小小遠，但唔知點解次次同同乾都有種堅持行過黎食嘅次次例牌叉燒蛋飯+凍奶茶！凍飲好大杯，次次都飲唔哂，奶香唔算好重茶香，不過都可接受👌🏻👌🏻👌🏻重點叉燒一定要叫半肥瘦或者全肥叉，唔係就小小肥都無㗎啦比較乾，事關叫肥叉都唔係好肥，叉燒份量都唔小，一定夠飽！雞蛋可以叫太陽蛋或者普通煎蛋，睇你個人喜歡呢到由於太旺場，最好盡快落單同食飯時間早10分鐘黎就一定有位喇

再次來到北角的＂書局街＂附近，時間尚早，還未到晚飯時間，來一頓下午茶吧…走進餐廳，是一般舊式茶餐廳的格局，隨意選擇了一個座位就坐，看到餐牌除了燒味類別的食物，還有魚蛋丶雲吞等粉麵供應，起初打算點選的乳豬，原來已經售罄，最後點選了燒鵝併叉燒的燒味套餐。燒味雙拼套餐＄68（凍飲加＄2）燒鵝外皮尚算脆身，鵝肉味道濃郁，有肉汁，但調味方面過份的鹹，感覺有點敗筆，而且鵝肉入口的時候溫度頗冰冷的。叉燒是半肥瘦，燒得非常焦香，暖暖的叉燒，肉質鬆軟，有肉味，略嫌蜜味不足，味道是可以的。套餐包括有：菜心一碟菜心是現灼的，吃一口挺新鮮，蠔油味淡，味道不錯。套餐包括有：白飯一碗白飯質素正常，口感軟綿，熱力夠。有飯丶有菜丶有雙併的肉類丶有飲品，普通＂茶記＂質素，感覺中規中矩。

睇個門面都知係老牌飯店黎，打正旗號賣燒臘，菜式全部都唔花巧有單雙拼燒味飯，都有燉湯套餐，有齊靚燉湯、雙拼燒味飯同油菜，七十幾蚊喺港島區算差唔多架啦👍🏻叫左個木瓜雪耳紅棗燉排骨，都幾足料，飲得出唔係味精湯，真係有落心機煲，岩哂一眾OL～養顏養身都岩👩🏻另外推介黑蒜湯，始終屋企少d煲，同埋黑蒜味好特別，有益又健康～燒味推介叉燒，非常juicy，蜜汁仲好夠，但又唔會話過甜，油雞就正正常常，唔係太特別

平安夜日子，同媽咪由灣仔逛到炮台山、北角，晚飯去咗強記食，都好耐冇去了，因今午食的叉燒吾掂，希望這餐好啲……我地點了燒味餐~1. 燒肉拼燒鵝配油菜、例湯，燒肉皮脆，但略為肥，要咬走啲肥膏，燒鵝味道ok，例湯係綠豆蓮藕湯，都ok的2. 叉燒拼油雞配油菜、燉湯~陳腎南北杏菜膽，個湯清甜夠熱，油雞是雞翼部分，但我不喜歡，偏偏次次點親雞都會係雞翼，油雞味道ok，叉燒顏色燒得靚夠腍都ok……都有一段時間冇嚟呢間食燒味，好似以前仲好食啲，見個收銀吾同咗，吾知係咪轉咗老闆呢……

中上的一間茶記今日早餐同屋企人去左強記早餐價錢大概三十蚊左右 我地通常都會叫兩碗沙嗲牛肉粟米炒蛋米線一杯熱檸水同一杯凍奶茶不喜有膠杯😩 平時係有"錏"杯 家人很喜歡呢道既奶茶 夠茶味 奶亦夠滑👍🏼個米線唔記得左影相 俾我整亂左😣米線軟硬度適中 沙嗲牛肉好夠味 份量亦好夠 好食過一般茶餐廳呢間茶餐廳水準 個人認為係中上 不論小炒類還是燒味 也是很不錯的不過呢道既晚餐一D都唔平P.S 叉燒絕對係佢地既皇牌 肥瘦適中 味道也調教得很好但價錢就比較貴了