海東軒

Open Now

Now Closed

今日去朋友屋企玩，點知我到佢屋企附近佢都仲未起身，於是我就打電話比佢，打到佢聽為止，打咗5分鐘，終於聽咗。佢話佢好餓好想食叉燒燒腩飯仲乘機叫我送外賣上去，叫我去海東軒買，仲話食過堂食好味所以叫我買呢個外賣比佢。我當然應承咗，因為我地太老友啦而且我好好人（PS 讚下自己） 我就買咗一盒叉燒燒腩飯，我地打算share 因為我食咗早餐唔太餓。叉燒燒腩飯係$45加埋外賣袋同外賣盒嘅錢。咁嘅價錢算係幾便宜，其他店雙併燒味應該要$50起而且我係叫燒腩雙併！一上到去佢屋企，佢打開個飯我哇咗聲，因為竟然都幾多舊叉燒同燒腩而且飯都幾多，仲搭咗條菜！d燒腩肥瘦均勻，但係個皮就冇想像中咁脆，可能因為外賣焗住咗所以就淋咗dd，但係我朋友話之前試過堂食真係超脆，所以建議大家燒腩堂食好d。叉燒真係燒得好靚，因為有d濃濃地，而且有d厚切，望落係半肥瘦嘅叉燒，食落口嘅肥肉唔會覺得好膩，但係食得出有嗰種油香，因為濃濃地，所以食落口都脆脆地，而且佢個蜜汁都好好味，所以要俾個like佢