利苑酒家 (北海中心)

Open Now

Now Closed

附近好多有錢嘅老人家老闆或者公司來食飯，今日就係有客請我食飯呀！環境就一般般啦！以前服務好好，而家服務都差咗囉！因為午飯時間真係太多人佢哋根本應接不暇！今日點呢個應該係商務套餐，我淨係負責食，小食有茄子,我覺得好油膩第二樣就係燒腩仔同埋叉燒拼盤，個叉燒真係好味到尖叫我都忍唔住食咗兩件，肥瘦均勻，叉燒汁先係精華所在 蔬菜蒸餃就一般普通嘅蘿蔔絲酥餅用㷛上嘅砂礓雞，我淨係食到啲雞背脊啊！雞皮，所以唔知道啲雞肉有幾好味⋯⋯跟住呢個佢哋話係花膠雜菜，但我覺得唔係囉！韭菜花入邊又有啲肉碎，仲好似有啲油炸鬼切片，調味得好香個湯泡飯我覺得有啲 heavy, 啲油浮晒面湯水有滋潤有雞腳蝦餃燒賣細細粒，呢度又唔係特別好食，最後仲有個糖水，不過唔夠份量冇食到。